Malayalam 
തുരങ്കത്തിനുള്ളില്‍ കുടുങ്ങിയ 10 പേരെ പുറത്തെത്തിച്ചു
ദില്ലി: ഉത്തരാഖണ്ഡിലെ ഉത്തരകാശിയില്‍ നിര്‍മ്മാണത്തിലിരുന്ന സില്‍ക്യാര തുരങ്കത്തിനുള്ളില്‍ കുടുങ്ങിയ 41 തൊഴിലാളികളില്‍ 10 പേരെ പുറത്തെത്തിച്ചു. ആദ്യ ആംബുലന്‍സ് തുരങ്കത്തിനുള്ളിലേക്ക് പ്രവേശിച്ചു. ഇതോടെ ദൗത്യം വിജയകരമാണെന്ന് അധികൃതര്‍ അറിയിച്ചു. സില്‍ക്യാര തുരങ്കത്തില്‍ കുടുങ്ങിയവര്‍ 17 ദിവസത്തിനൊടുവിലാണ് തിരികെ പുറം ലോകത്തിലേക്കെത്തുന്നത്. യന്ത്രസഹായത്തോടെയുള്ള തുരക്കല്‍ പ്രതിസന്ധിയിലായതോടെ, റാറ്റ് മൈനേഴ്സിന്റെ നേതൃത്വത്തില്‍ പരിചയസമ്പന്നരായ 24 ‘റാറ്റ്-ഹോള്‍ മൈനിംഗ്’ വിദഗ്ധരുടെ സംഘം ഇന്നലെ മുതലാണ് മാനുവല്‍ ഡ്രില്ലിംഗ് നടത്തിയത്.
ഇരുമ്പ് പൈപ്പ് 57 മീറ്ററോളം ദൂരം പിന്നിട്ട് തൊഴിലാളികള്‍ക്കടുത്തേയ്ക്ക് എത്തിച്ച് ഈ കുഴലിലൂടെ കരസേനാംഗങ്ങളും ദുരന്ത നിവാരണ സേനാംഗങ്ങളും തൊഴിലാളികള്‍ക്ക് അരികിലെത്തി ഓരോരുത്തരെയായി പുറത്തെത്തിക്കുകയായിരുന്നു.
Also Read; വീഡിയോ കോളില്‍ അമ്മയെ കണ്ടതും നിറചിരിയോടെ അബിഗേല്‍
