പുല്വാമയില് സുരക്ഷാ സേനയും ഭീകരരും തമ്മില് ഏറ്റുമുട്ടല്
![](https://metropostkerala.com/wp-content/uploads/2024/06/1-1-991x564.jpg)
ശ്രീനഗര്: പുല്വാമയില് സുരക്ഷാ സേനയും ഭീകരരും തമ്മില് ഏറ്റുമുട്ടല്.നിഹാമ ഗ്രാമത്തില് ഇന്ന് പുലര്ച്ചെയാണ് ഏറ്റുമുട്ടല് ഉണ്ടായത്.രണ്ട് ഭീകരര് മേഖലയില് ഒളിച്ചിരിക്കുന്നതായി വിവരം ലഭിച്ചതിനെ തുടര്ന്നാണ് സുരക്ഷാ സേന പ്രദേശത്തെത്തിയത്. സുരക്ഷാ സേനയും പോലീസും ഒരുമിച്ചാണ് തിരച്ചില് ആരംഭിച്ചത്. അടുത്ത ദിവസങ്ങളിലായി കാശ്മീരില് പലയിടങ്ങളിലായി സുരക്ഷാ ജീവനക്കാരും ഭീകരരും തമ്മില് ഏറ്റുമുട്ടലുകള് ഉണ്ടാകുകയും ഭീകരരെ വധിക്കുകയും ചെയ്തിരുന്നു.
കഴിഞ്ഞ മാസം പുല്വാമയില് സുരക്ഷാ ജീവനക്കാരുമായുള്ള ഏറ്റുമുട്ടലില് ഒരു ഭീകരന് കൊല്ലപ്പെട്ടിരുന്നു. 34കാരനായ ഡാനിഷ് ഐജാസ് ഷെയ്ഖ് ആണ് കൊല്ലപ്പെട്ടത്. ശ്രീനഗറിലെ അഹ്മദ് നഗര് പോലീസ് സ്റ്റേഷന് പരിധിയിലുള്ള ഇല്ലാഹിബാഗ് സ്വദേശിയായ ഐജാസ് അഹ്മദ് ഷെയ്ഖ് എന്നയാളുടെ മകനാണ് ഡാനിഷ്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..