മുല്ലപ്പെരിയാറില് പുതിയ ഡാം: കേന്ദ്ര പരിസ്ഥിതി മന്ത്രാലയം വിളിച്ച യോഗം മാറ്റിവെച്ചു
![](https://metropostkerala.com/wp-content/uploads/2023/12/mullaperiyar-991x564.jpg)
ഡല്ഹി: മുല്ലപ്പെരിയാറില് പുതിയ ഡാം പണിയുന്നതിന്റെ പരിസ്ഥിതി ആഘാത പഠനവുമായി ബന്ധപ്പെട്ട് കേന്ദ്ര പരിസ്ഥിതി മന്ത്രാലയം വിളിച്ച യോഗം മാറ്റിവെച്ചു. ഇന്ന് ഡല്ഹിയില് നടക്കാനിരുന്ന യോഗമാണ് മാറ്റിയത്. പഠനത്തിന് കേരളത്തിനെ അനുവദിക്കരുതെന്ന് തമിഴ്നാട് നേരത്തെ ആവശ്യപ്പെട്ടിരുന്നു. യോഗം മാറ്റിയതിന്റെ കാരണം കേന്ദ്രം വ്യക്തമാക്കിയിട്ടില്ല.
മുല്ലപ്പരിയാറില് പുതിയ അണക്കെട്ട് നിര്മ്മിക്കുന്നതിനുള്ള വിശദമായ പദ്ധതി രേഖ ഒരു മാസത്തിനകം പൂര്ത്തിയാക്കാന് കേരളം തീരുമാനിച്ചിരുന്നു. പഴയ അണക്കെട്ട് പൊളിക്കുന്നതിന്റെ പാരിസ്ഥിതിക ആഘാത പഠനം നടത്താന് അനുമതിക്കായി കേന്ദ്ര വനം പരിസ്ഥിതി മന്ത്രാലയത്തെ സമീപിക്കുകയും ചെയ്തു. തമിഴ്നാടിന് ആവശ്യമായ വെള്ളം നല്കിക്കൊണ്ട് കേരളത്തിലെ ജനങ്ങളുടെ സുരക്ഷ ഉറപ്പാക്കാനാണ് സര്ക്കാരിന്റെ തീരുമാനം.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
അതേസമയം മുല്ലപ്പെരിയാറില് പുതിയ അണക്കെട്ട് നിര്മ്മിക്കാനുള്ള കേരളത്തിന്റെ നടപടികള്ക്കെതിരെ പ്രതിഷേധവുമായി തമിഴ്നാട്ടിലെ കര്ഷക സംഘടനകള് രംഗത്തെത്തി. പെരിയാര് വൈഗ ഇറിഗേഷന് കര്ഷക കൂട്ടായ്മയുടെ നേതൃത്വത്തില് കേരള -തമിഴ്നാട് അതിര്ത്തിയിലെ കുമളിക്ക് സമീപം ലോവര് ക്യാമ്പില് കര്ഷകര് മാര്ച്ച് നടത്തി.