ബാറുകളും മദ്യശാലകളും തുറക്കില്ല ; കര്ണാടകയില് അഞ്ച് ദിവസം സമ്പൂര്ണ മദ്യ നിരോധനം
![](https://metropostkerala.com/wp-content/uploads/2024/06/1-991x564.jpg)
കര്ണാടക : കര്ണാടകയില് ഇനി വരുന്ന അഞ്ച് ദിവസം മദ്യ വില്പന നിരോധിച്ചു.നിയമസഭാ കൗണ്സില് തെരഞ്ഞെടുപ്പിന്റെ വോട്ടെടുപ്പും ജൂണ് നാലിന് ലോക്സഭാ തിരഞ്ഞെടുപ്പിന്റെ ഫലപ്രഖ്യാപനവും നടക്കുന്നതിനാലാണ് ഇന്ന് മുതല് നാലാം തീയതി വരെ കര്ണാടകയില് മദ്യവില്പ്പന നിരോധിച്ചത്.കൂടാതെ നിയമസഭാ കൗണ്സില് തെരഞ്ഞെടുപ്പിന്റെ വോട്ടെണ്ണല് നടക്കുന്ന ജൂണ് ആറിനും ഡ്രൈ ഡേ ആയിരിക്കുമെന്ന് കര്ണാടക സര്ക്കാര് അറിയിച്ചു.
Also Read ; വാണിജ്യ ആവശ്യങ്ങള്ക്കുള്ള പാചക വാതത്തിന്റെ വില കുറച്ചു
1951ലെ ജനപ്രാതിനിധ്യ നിയമം അനുസരിച്ചാണ് മദ്യവില്പ്പനയും ഉപഭോഗവും നിരോധിച്ചിരിക്കുന്നത്. മദ്യത്തിന്റെ ഉത്പാദനം, വില്പ്പന, വിതരണം, സംഭരണം എന്നിവയ്ക്ക് നിരോധനം ബാധകമാണെന്ന് സംസ്ഥാനത്തെ എക്സൈസ് വകുപ്പ് ഉദ്യോഗസ്ഥര് പറഞ്ഞു. മദ്യശാലകള്, വൈന് ഷോപ്പുകള്, ബാറുകള്, മദ്യം നല്കാന് അനുമതിയുള്ള ഹോട്ടലുകള്, റെസ്റ്റോറന്റുകള് എന്നിവയ്ക്കാണ് ഉത്തരവ് ബാധകം.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
അതേസമയം കേരളത്തില് ഇന്നും നാലാം തീയതിയും സമ്പൂര്ണ ഡ്രൈ ഡേ ആയിരിക്കുമെന്ന് ബെവ്കോ അധികൃതര് അറിയിച്ചു. ഒന്നാം തീയതിയായ ഇന്ന് സ്ഥിരം ഡ്രൈ ഡേയും, നാലാം തീയതി ലോക്സഭ തെരഞ്ഞെടുപ്പിന്റെ വോട്ടെണ്ണല് പ്രമാണിച്ചുമാണ് മദ്യനിരോധനം.