സോളാര് കേസില് ഗണേഷ് കുമാറിന് തിരിച്ചടി
കൊച്ചി: സോളാര് പീഢനക്കേസ് പരാതിക്കാരിയുടെ കത്ത് തിരുത്താന് ഗൂഢാലോചന നടത്തിയെന്ന കേസില് ഗണേഷ് കുമാറിന് തിരിച്ചടി. കേസിലെ തുടര് നടപടികള് റദ്ദാക്കണമെന്നാവശ്യപ്പെട്ട് കെ ബി ഗണേഷ് കുമാര് നല്കിയ ഹര്ജി ഹൈക്കോടതി തള്ളി. ജസ്റ്റിസ് പി വി കുഞ്ഞികൃഷ്ണന്റേതാണ് ഉത്തരവ്. കേസില് നേരിട്ട് ഹാജരാവുന്നത് ഒഴിവാക്കണമെന്ന ഗണേഷ് കുമാറിന്റെ ആവശ്യവും കോടതി തള്ളി.
കേസുമായി ബന്ധപ്പെട്ട് ഹൈക്കോടതി കഴിഞ്ഞ ദിവസങ്ങളില് വാദം കേട്ടിരുന്നു. എന്നാല് തനിക്ക് ഗൂഢാലോചനയില് പങ്കില്ലെന്നാണ് ഗണേഷ് കോടതിയെ അറിയിച്ചത്. കത്ത് എഴുതിയതും നേരെ കോടതിയില് സബ്മിറ്റ് ചെയ്തതും പരാതിക്കാരി നേരിട്ടാണെന്നായിരുന്നു ഗണേഷിന്റെ വാദം.
പരാതിക്കാരിയുടെ കത്തില് ഗൂഢാലോചന നടത്തിയെന്നായിരുന്നു ഗണേഷ് കുമാറിനെതിരെയുള്ള പരാതി. കത്തില് പേജുകള് എഴുതിച്ചേര്ത്തെന്നും മുന്മുഖ്യമന്ത്രി ഉമ്മന്ചാണ്ടിയുടെ പേര് എഴുതിച്ചേര്ക്കാനായി ഗൂഢാലോചന നടത്തിയെന്നുമായിരുന്നു പരാതി.
Join with metro post: വാർത്തകൾ വേഗത്തിലറിയാൻ Metro Post വാട്സ്ആപ്പ് ചാനലിൽ അംഗമാകൂ
തുടര്ന്ന് കൊട്ടാരക്കര മജിസ്ട്രേറ്റ് കോടതി ഈ വിഷയത്തില് കേസ് എടുക്കുകയും ഗണേഷ് കുമാറിനോടും പരാതിക്കാരിയോടും നേരിട്ട് ഹാജരാകാന് നിര്ദേശിക്കുകയും ചെയ്തിരുന്നു. എന്നാല് ഗണേഷ് കുമാര് ഹാജരായിരുന്നില്ലെന്ന് മാത്രമല്ല കേസ് റദ്ദാക്കണമെന്ന് ആവശ്യപ്പെട്ട് ഹൈക്കോടതിയെ സമീപിക്കുകയായിരുന്നു.
Also Read; ‘രാഹുല് ഗാന്ധി പ്രധാനമന്ത്രി’; ലഖ്നൗവില് പുതിയ പോസ്റ്റര്