തൃശൂര്‍ : തൃശൂര്‍ ഡിസിസി ഓഫീസുമായി ബന്ധപ്പെട്ട് ദിവസങ്ങളായി നടക്കുന്ന വിവാദങ്ങള്‍ക്ക് വിരാമമിട്ട് ജോസ് വള്ളൂരും എംപി വിന്‍സെന്റും രാജിവെച്ചു. ലോക്്‌സഭാ തെരഞ്ഞടുപ്പില്‍ കെ മുരളീധരന്റെ തോല്‍വിയുമായി ബന്ധപ്പെട്ട വിവാദങ്ങളെ തുടര്‍ന്നാണ് ജോസ് വള്ളൂര്‍ ഡിസിസി അധ്യക്ഷ സ്ഥാനം രാജി വെച്ചത്.

ഡല്‍ഹിയില്‍ നിന്ന് തിരിച്ചെത്തി ഡിസിസി ഓഫീസിലോക്ക് വന്ന ജോസ് വള്ളൂരിന് ഒരു വിഭാഗം പ്രവര്‍ത്തകര്‍ സ്വീകരണമൊരുക്കിയിരുന്നു. ഇത് വീണ്ടും ഓഫീസില്‍ സംഘര്‍ഷാവസ്ഥ സൃഷ്ടിക്കുകയായിരുന്നു. തുടര്‍ന്ന് ഡിസിയിലെ ഭാരവാഹിയോഗത്തില്‍ ജോസ് വള്ളൂര്‍ രാജിവെച്ചതായി അറിയിച്ചു. യുഡിഎഫ് ചെയര്‍മാന്‍ സ്ഥാനത്ത് നിന്ന് രാജിവെച്ചതായി എംപി വിന്‍സെന്റും അറിയിച്ചു.

Also Read; കേരള നിയമസഭാ സമ്മേളനം തുടങ്ങി ; ബാര്‍കോഴ, സിഎംആര്‍എല്‍ വിവാദങ്ങളില്‍ അടിയന്തരപ്രമേയ നോട്ടീസ്