അച്ഛനും മകനും ചേര്ന്ന് വീട്ടുവളപ്പില് കഞ്ചാവുചെടി നട്ടുവളര്ത്തി; കൂട്ടാളിയേയും പിടിച്ച് പോലീസ്
![](https://metropostkerala.com/wp-content/uploads/2024/05/vagmondrug-991x564.jpg)
വാഗമണ്: ഇടുക്കിയില് അച്ഛനും മകനും ചേര്ന്ന് വീട്ടുവളപ്പില് നട്ടുവളര്ത്തിയിരുന്ന കഞ്ചാവ് ചെടികളും കഞ്ചാവും പിടികൂടി. ഒരാള് പോലീസിനെക്കണ്ട് രക്ഷപ്പെട്ടു. വാഗമണ് പാറക്കെട്ട് മരുതുംമൂട്ടില് വിജയകുമാര് (58), മകന് വിനീത് (27), സമീപവാസി വിമല് ഭവനില് വിമല് (29) എന്നിവരാണ് ഇടുക്കി ഡാന്സാഫ് സംഘത്തിന്റെ പിടിയിലായത്.
വിജയകുമാറിന്റെ വീട്ടുവളപ്പില് വളര്ത്തിയിരുന്ന ആറ് കഞ്ചാവ് ചെടികളും ഇവരുടെ പക്കല്നിന്ന് 50 ഗ്രാം കഞ്ചാവുമാണ് കണ്ടെത്തിയത്. വാഗമണ് ഇന്സ്പെക്ടര് എം.ജി. വിനോദ്, എസ്.ഐമാരായ സതീഷ്കുമാര്, ബിജു, എ.എസ്.ഐ. നൗഷാദ് എന്നിവരുടെ നേതൃത്വത്തിലാണ് പരിശോധന നടത്തിയത്. രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. പിടിയിലായവരെ പീരുമേട് കോടതി റിമാന്ഡ് ചെയ്തു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം