കോവിഡ് വാക്സിന് പാര്ശ്വഫലങ്ങളേറെ; സമ്മതിച്ച് നിര്മാതാക്കള്
![](https://metropostkerala.com/wp-content/uploads/2024/04/covidvac-991x564.jpg)
ലണ്ടന്: കോവിഡ് പ്രതിരോധ വാക്സിനായ കോവിഷീല്ഡ് സ്വീകരിച്ചവരില് രക്തം കട്ടപിടിക്കാനും പ്ലേറ്റ്ലെറ്റിന്റെ എണ്ണം കുറായാനും സാധ്യതയുണ്ടെന്ന് സമ്മതിച്ച് നിര്മാതാക്കളായ അസ്ട്രസെനക്ക കമ്പനി. കോവിഷീല്ഡിന് പാര്ശ്വഫലമുണ്ടെന്ന് ആദ്യമായാണ് കമ്പനി സമ്മതിക്കുന്നത്.
Also Read ;അമിത്ഷാ സഞ്ചരിച്ച ഹെലിക്കോപ്റ്ററിന്റെ നിയന്ത്രണം നഷ്ടപ്പെട്ടു, ഒഴിവായത് വന് ദുരന്തം
കോവിഷീല്ഡ്, വാക്സ്സെവ്റിയ തുടങ്ങിയ പല ബ്രാന്ഡ് നാമങ്ങളില് ആഗോളതലത്തില് ഉപയോഗിച്ച വാക്സിനാണിത്. ഓക്സ്ഫഡ് സര്വകലാശാലയുമായിച്ചേര്ന്നാണ് അസ്ട്രസെനക്ക ഇതു വികസിപ്പിച്ചത്.
വാക്സിന് സ്വീകരിച്ചവരില് ഗുരുതരമായ പാര്ശ്വഫലങ്ങളും മരണവുംവരെയുണ്ടായതായി പരാതി ഉയര്ന്നിരുന്നു. ഒട്ടേറെ കുടുംബങ്ങള് അസ്ട്രസെനക്കയ്ക്കെതിരേ കോടതിയിലും പോയി. വാക്സിന് സ്വീകരിച്ചശേഷം മതിഷ്കത്തിന് സ്ഥിരമായ തകരാറുണ്ടായി എന്നുപറഞ്ഞ് 2021 ഏപ്രിലില് ജെയ്മി സ്കോട്ട് എന്നയാളാണ് കേസിനു തുടക്കമിട്ടത്. രക്തം കട്ടപിടിക്കുകയും പ്ലേറ്റ്ലറ്റ് കുറയുകയും ചെയ്യുന്ന ത്രോംബോസിസ് വിത്ത് ത്രോംബോസൈറ്റോപീനിയ സിന്ഡ്രോമാണ് (ടി.ടി.എസ്.) അദ്ദേഹത്തെ ബാധിച്ചത്. അപൂര്വം സന്ദര്ഭങ്ങളില് കോവിഷീല്ഡ് ടി.ടി.എസിനും ഇടയാക്കുമെന്ന് ബ്രിട്ടനിലെ ഹൈക്കോടതിയില് നല്കിയ രേഖകളില് അസ്ട്രസെനക്ക സമ്മതിച്ചു.
സുരക്ഷാ ആശങ്കയെത്തുടര്ന്ന് അസ്ട്രസെനക്ക-ഒക്സ്ഫഡ് വാക്സിന്റെ ഉപയോഗം ബ്രിട്ടന് അവസാനിപ്പിച്ചിരുന്നു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം