റായ്ബറേലിയില് രാഹുല് മത്സരിക്കും : അമേഠിയില് ഗാന്ധികുടുംബത്തിന്റെ വിശ്വസ്തനും
![rahul gandhi](https://metropostkerala.com/wp-content/uploads/2023/10/rahul-991x564.jpg)
ഡല്ഹി: ഏറെ നാളത്തെ അനിശ്ചിതത്വങ്ങള്ക്ക് വിരാമമിട്ട് അമേഠിയിലും റായ്ബറേലിയിലും സ്ഥാനാര്ത്ഥികളെ പ്രഖ്യാപിച്ച് കോണ്ഗ്രസ്. രാഹുല് ഗാന്ധി റായ്ബറേലിയില് മത്സരിക്കും. അമേഠിയില് ഗാന്ധികുടുംബത്തിന്റെ വിശ്വസ്തനായ നേതാവ് കിശോരി ലാല് ശര്മയാണ് മത്സരിക്കുക.ഇരുമണ്ഡലങ്ങളിലും നാമനിര്ദേശ പത്രിക സമര്പ്പിക്കാനുള്ള അവസാന ദിവസം ഇന്നാണ്. മെയ് 20നാണ് അമേഠിയിലും റായ്ബറേലിയിലും വോട്ടെടുപ്പ്.
Also Read ; ടെസ്റ്റ് ബഹിഷ്കരിച്ച് ഡ്രൈവിങ് സ്കൂളുകള്; പ്രതിഷേധക്കാരെ മാഫിയയാക്കി മന്ത്രി
അമേഠിയിലെ ഗൗരിഗഞ്ചിലെ കോണ്ഗ്രസ് ഓഫീസില് രാഹുല് ഗാന്ധിയുടെയും സമാജ്വാദി പാര്ട്ടി അധ്യക്ഷന് അഖിലേഷ് യാദവിന്റെയടക്കമുള്ളവരുടെ ചിത്രം അടങ്ങിയ പ്രചാരണ ബോര്ഡുകള് എത്തിച്ചിരുന്നു.രാഹുല് ഗാന്ധിയും പ്രിയങ്കാ ഗാന്ധിയും അമേഠിയിലും റായ്ബറേലിയിലും മത്സരിക്കുന്നതിനെ പറ്റിയുള്ള ചര്ച്ചകള് നീണ്ടതോടെയാണ് സ്ഥാനാര്ത്ഥി പ്രഖ്യാപനം അവസാന മണിക്കൂറിലേക്ക് നീണ്ടത്. രാഹുലും പ്രിയങ്കയും തന്നെ മത്സരിക്കാന് വരണമെന്ന് യുപിയിലെ നേതാക്കളും പ്രവര്ത്തകരും ഒന്നടങ്കം ആവശ്യപ്പെട്ടിരുന്നു. ഇതിനിടെ മത്സരിക്കാന് താല്പര്യം പ്രകടിപ്പിച്ച് പ്രിയങ്കയുടെ ഭര്ത്താവ് റോബര്ട്ട് വദ്ര രംഗത്തെത്തിയതും ചര്ച്ചയായിരുന്നു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..