സംസ്ഥാനത്ത് ഇന്നും ഡ്രൈവിംഗ് ടെസ്റ്റുകള് മുടങ്ങി, ഗ്രൗണ്ടില് കിടന്ന് പ്രതിഷേധം
![](https://metropostkerala.com/wp-content/uploads/2024/05/driving-test-991x564.jpg)
തിരുവനന്തപുരം: സംസ്ഥാനത്ത് മുടങ്ങി കിടന്ന ഡ്രൈംവിഗ് ടെസ്റ്റുകള് ഇന്നും തുടങ്ങാനായില്ല. സിഐടിയു ഒഴികെയുള്ള സംഘടനകള് ഡ്രൈവിങ് പരിഷ്കരണത്തിനെതിരെ പ്രതിഷേധിക്കുന്ന സാഹചര്യത്തിലാണ് സംസ്ഥാന വ്യാപകമായി ഇന്നും ഡ്രൈംവിഗ് ടെസ്റ്റുകള് മുടങ്ങിയത്.
തിരുവനന്തപുരം മുട്ടത്തറയില് ഇന്നും ഡ്രൈവിംഗ് ടെസ്റ്റ് നടന്നില്ല. ആരെയും ടെസ്റ്റിന് കയറ്റില്ലെന്നാണ് സമരക്കാര് എംവിഡി ഉദ്യോഗസ്ഥരെ അറിയിച്ചിരിക്കുന്നത്. കണ്ണൂര് തോട്ടടയില് സംയുക്ത സമിതിയുടെ ടെസ്റ്റ് ഗ്രൗണ്ടില് കിടന്നാണ് സമരക്കാര് പ്രതിഷേധിച്ചത്. എറണാകുളത്തും ഡ്രൈവിംഗ് സ്കൂളുകാര് ടെസ്റ്റ് ബഹിഷ്ക്കരിച്ചു.
Also Read; ആസിഡ് ആക്രമണം ; സ്ത്രീക്ക് പരിക്കേറ്റു, മുന് ഭര്ത്താവ് അറസ്റ്റില്
പത്തനംതിട്ടയില് ടെസ്റ്റ് നടത്തുന്ന ഗ്രൗണ്ടിന് നിലവാരമില്ലെന്നും പറഞ്ഞും പ്രതിഷേധമുണ്ടായി. ഡ്രൈവിംഗ് ടെസ്റ്റുമായി സഹകരിക്കില്ലെന്ന് ഡ്രൈവിങ് സ്കൂള് ഓണേഴ്സ് സമിതിയായ കെഎംഡിഎസ് അറിയിച്ചിരുന്നു. ഗതാഗത കമ്മീഷണറുടെ സര്ക്കുലറിനെതിരെ ഹൈക്കോടതി ഡിവിഷന് ബഞ്ചിനെ സമീപിക്കുമെന്നും പുതിയ ഹര്ജി ഫയല് ചെയ്യുമെന്നും കെഎംഡിഎസ് അറയിച്ചു.കോഴിക്കോട് കുന്നമംഗലത്ത് ഡ്രൈവിങ് ടെസ്റ്റിന് എത്തിയ ഉദ്യോഗസ്ഥരെ പ്രതിഷേധക്കാര് തടഞ്ഞു. ഇതോടെ ഉദ്യോഗസ്ഥര് മടങ്ങുകയായിരുന്നു.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..