ഛത്തീസ്ഗഢില് സി പി ഐയെ വീഴ്ത്തിയത് എയര്കണ്ടീഷണര്…!
ഛത്തീസ്ഗഢില് സി പി ഐയുടെ സംസ്ഥാന സെക്രട്ടറി മനീഷ് കുഞ്ജാം അവസാന റൗണ്ട് വരെ പോരാട്ടം കാഴ്ചവെച്ചാണ് പരാജയം സമ്മതിച്ചത്. പ്രദേശത്തെ അറിയപ്പെടുന്ന ആദിവാസി നേതാവായ മനീഷ് കുഞ്ജാമിന്റെ തോല്വി സി പി ഐ ദേശീയ നേതൃത്വത്തിന്റെ വീഴ്ചയാണ്. പാര്ട്ടി ചിഹ്നമായ അരിവാളും നെല്ക്കതിരും ലഭിക്കാതിരുന്നത് തന്റെ തോല്വിക്ക് കാരണമായെന്ന് മനീഷ് കുഞ്ജാം വിശ്വസിക്കുന്നു.
ആദിവാസി ഭൂരിപക്ഷ മേഖലക്ക് പരിചിതമല്ലാത്ത എയര് കണ്ടീഷണര് ചിഹ്നത്തിലായിരുന്നു സി പി ഐ നേതാവ് മത്സരിച്ചത്. കോണ്ട മണ്ഡലത്തില് ഇക്കുറി മാവോവാദികള്ക്കും വോട്ടവകാശമുണ്ടായിരുന്നു, അതുകൊണ്ടു തന്നെ സി പി ഐയുടെ അരിവാളും നെല്ക്കതിരും ചിഹ്നത്തില് മത്സരിച്ചിരുന്നെങ്കില് ഫലം കുഞ്ജാമിന് അനുകൂലമാകുമായിരുന്നുവെന്നാണ് വിലയിരുത്തല്. ദേശീയ നിര്വാഹക സമിതി യോഗത്തില് ഛത്തീസ്ഗഢിലെ വീഴ്ച ചര്ച്ചയാകും.
Also Read; ഭാരത് ആദിവാസി പാര്ട്ടി കരുത്തറിയിച്ചു…