മേയര് ഡ്രൈവര് തര്ക്കത്തില് എംഎല്എ സച്ചിന്ദേവിനെതിരെ സാക്ഷിമൊഴി
![](https://metropostkerala.com/wp-content/uploads/2024/05/mayoryadu-991x564.jpg)
തിരുവനന്തപുരം: മേയര് ആര്യാ രാജേന്ദ്രനും ഡ്രൈവര് യദുവും തമ്മിലുള്ള തര്ക്കത്തില് എംഎല്എ സച്ചിന്ദേവിനെതിരെ സാക്ഷിമൊഴി.സംഭവം നടക്കുമ്പോള് എംഎല്എ ബസില് കയറിയെന്നും തമ്പാവൂര് ഡിപ്പോയിലേക്ക് പോകാന് ആവശ്യപ്പെട്ടെന്നുമാണ് മൊഴിയുള്ളത്.എംഎല്എ ബസില് കയറിയ കാര്യം കണ്ടക്ടര് ട്രിപ്പ് ഷീറ്റിലും രേഖപ്പെടുത്തിയിട്ടുണ്ട്. ട്രിപ്പ് ഷീറ്റിന്റെ പകര്പ്പും കണ്ടക്ടര് ഹാജരാക്കി.ഇതുസംബന്ധിച്ച് ബസ്സിലെ കണ്ടക്ടറും യാത്രക്കാരുമാണ് മൊഴി നല്കിയിരിക്കുന്നത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
ബസിലെ സിസിടിവി ദൃശ്യങ്ങള് അടങ്ങിയ മെമ്മറി കാര്ഡ് നഷ്ടമായ പശ്ചാത്തലത്തില് കൂടതല് പേരുടെ മൊഴിയെടുക്കാനുള്ള തയ്യാറെടുപ്പിലാണ് പോലീസ്. കൂടാതെ കേസില് സാഹചര്യ തെളിവുകളും കൂടുതല് ശേഖരിക്കും. ഇതിനായി സംഭവം പുനരാവിഷ്കരിച്ച് അന്വേഷണ സംഘം പരിശോധന നടത്തിയിരുന്നു. ഇതിന്റെ അടിസ്ഥനത്തില് ബസ്സിലെ ഡ്രൈവര് ആംഗ്യം കാണിച്ചാല് മുന്നില് പോകുന്ന വാഹനത്തിലെ യാത്രക്കാര്ക്ക് കാണാനാകുമെന്ന് പോലീസ് വ്യക്തമാക്കി. യദു ലൈംഗിക ചേഷ്ട കാണിച്ചുവെന്ന മേയറുടെ പരാതിയിലാണ് പരിശോധന.ശനിയാഴ്ച രാത്രി പട്ടം പ്ലാമൂട് മുതല് പിഎംജി വരെയാണ് സംഭവം പുനരാവിഷ്കരിക്കുന്ന പരിശോധന നടന്നത്.