Malayalam 
അരവിന്ദ് കെജ്രിവാളിന്റെ ഇടക്കാല ജാമ്യം പരിഗണിക്കുമെന്ന് സുപ്രീംകോടതി
ന്യൂഡല്ഹി: മദ്യനയ അഴിമതിക്കേസില് അറസ്റ്റിലായ ഡല്ഹി മുഖ്യമന്ത്രി അരവിന്ദ് കെജ്രിവാളിന് ഇടക്കാല ജാമ്യം നല്കുന്നത് പരിഗണിക്കുമെന്ന് സുപ്രീംകോടതി. തെരഞ്ഞെടുപ്പ് കാലമായതിനാലാണ് ഇടക്കാലജാമ്യത്തിന് പരിഗണിക്കുന്നതെന്നാണ് കോടതി വ്യക്തമാക്കിയത്.
Also Read ; നവജാത ശിശുവിന്റെ കൊലപാതകം അമ്മ അറസ്റ്റില് : സംഭവത്തില് പോലീസിനെ സഹായിച്ചത് കൊറിയര് കവറിലെ മേല്വിലാസം
മെയ് ഏഴിന് ഇടക്കാല ജാമ്യാപേക്ഷ പരിഗണിക്കുമെന്ന് ജസ്റ്റിസ് സഞ്ജീവ് ഖന്ന, ജസ്റ്റിസ് ദിപാന്കര് ദത്ത എന്നിവരടങ്ങിയ ബെഞ്ച് വ്യക്തമാക്കി. കേന്ദ്ര ഏജന്സിയോടും കെജ്രിവാളിന്റെ അഭിഭാഷകനോടും തയ്യാറാകാനും കോടതി നിര്ദേശിച്ചു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
എന്നാല് ഇടക്കാല ജാമ്യം പരിഗണിക്കും മുന്പ് ഇഡിയെ കേള്ക്കണമെന്ന് അഡീഷണല് സോളിസിറ്റര് ജനറല് ആവശ്യപ്പെട്ടിട്ടുണ്ട്. അറസ്റ്റ് ചോദ്യം ചെയ്തുള്ള ഹര്ജിയില് വാദം നീണ്ടാല് ഇടക്കാല ജാമ്യം പരിഗണിക്കുമെന്ന് കോടതി അറിയിച്ചു. മാര്ച്ച് 21നാണ് ഡല്ഹി മദ്യനയ അഴിമതി കേസുമായി ബന്ധപ്പെട്ട് കെജ്രിവാളിനെ ഇഡി അറസ്റ്റ് ചെയ്തത്.
