കുഴിമന്തി കഴിച്ചതിനെ തുടര്ന്ന് ഭക്ഷ്യവിഷബാധ ; ചികിത്സയിലായിരുന്ന സ്ത്രീ മരിച്ചു, 178 പേര് ചികിത്സയില്
![](https://metropostkerala.com/wp-content/uploads/2024/05/2-23.jpg)
തൃശ്ശൂര്: കുഴിമന്തി കഴിച്ചതിനെ തുടര്ന്ന് ഭക്ഷ്യവിഷബാധയേറ്റ് ചികിത്സയില് കഴിഞ്ഞിരുന്ന സ്ത്രീ മരിച്ചു. പെരിഞ്ഞനം സ്വദേശി ഉസൈബ (56) ആണ് മരിച്ചത്.
പെരിഞ്ഞനം മൂന്നുപീടികയിലെ സെയിന് റസ്റ്റോറന്റില് നിന്നും ഭക്ഷണം കഴിച്ചവര്ക്കാണ് കഴിഞ്ഞ ശനിയാഴ്ച ഭക്ഷ്യവിഷബാധയേറ്റത്. ഉസൈബയുടെ വീട്ടിലേക്ക് ഇവിടെ നിന്നും കുഴിമന്തി പാഴ്സല് വാങ്ങിക്കഴിക്കുകയായിരുന്നു. കുഴിമന്തിക്കൊപ്പമുള്ള മയോണൈസില് നിന്നാണ് ഭക്ഷ്യവിഷബാധയേറ്റത്. ഇന്നലെ രാവിലെ മുതലാണ് പനിയും മറ്റ് ശാരീരിക ബുദ്ധിമുട്ടുകളുമുണ്ടായതിനെ തുടര്ന്ന് ഇവര് തൃശൂര് മെഡിക്കല് കോളേജില് ചികിത്സ തേടിയത്. ഇവരുടെ ബന്ധുക്കളായ 3 പേര് ഇപ്പോഴും ചികിത്സയില് തുടരുകയാണ്.
Also Read ; റെമാല് ചുഴലിക്കാറ്റ് : മരണം പത്ത്, 35,483 വീടുകള് തകര്ന്നു
പെരിഞ്ഞനം വടക്കേ ഭാഗത്ത് പ്രവര്ത്തിക്കുന്ന ഹോട്ടലില് നിന്നും കുഴിമന്തിയടക്കമുള്ള ഭക്ഷണങ്ങള് കഴിച്ച 178 പേര്ക്കാണ് വിഷബാധയേറ്റത്.
സംഭവത്തെ തുടര്ന്ന് ആരോഗ്യവകുപ്പും പഞ്ചായത്ത് അധികൃതരും ഫുഡ് ആന്ഡ് സേഫ്റ്റി വിഭാഗവും ഹോട്ടലില് പരിശോധന നടത്തി ഹോട്ടല് അടപ്പിച്ചിരുന്നു. ഇവിടെ നിന്നും സാംപിളുകള് ശേഖരിച്ച് പരിശോധനയ്ക്ക് കൊണ്ടുപോയെന്നും ആരോഗ്യവകുപ്പ് ഉദ്യോഗസ്ഥര് അറിയിച്ചിരുന്നു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..