രാഹുലിന്റെ ഡിഎന്എ പരിശോധിച്ച് പാരമ്പര്യം ഉറപ്പാക്കണം; അധിക്ഷേപ പരാമര്ശവുമായി പി വി അന്വര്
![](https://metropostkerala.com/wp-content/uploads/2024/04/2-7-991x564.jpg)
പാലക്കാട്: തെരഞ്ഞെടുപ്പ് അടുത്തിരിക്കെ പരസ്പരം വിമര്ശിക്കാനും കുറ്റപ്പെടുത്താനുമുള്ള ഒരവസരവും മുന്നണികള് പാഴാക്കാറില്ല. അത്തരത്തില് വയനാട് എംപി രാഹുല് ഗാന്ധിക്കെതിരെ അധിക്ഷേപ പരാമര്ശം നടത്തിയിരിക്കുകയാണ് പി വി അന്വര് എംഎല്എ.രാഹുല് ഡിഎന്എ പരിശോധിച്ച് പാരമ്പര്യം ഉറപ്പാക്കമെന്നാണ് പി വി അന്വറിന്റെ പരാമര്ശം.ഗാന്ധി എന്ന പേര് കൂടെ ചേര്ത്ത് പറയാന് അര്ഹതയില്ലാത്ത നാലാംകിട പൗരനാണ് രാഹുല് ഗാന്ധി എന്നും പി വി അന്വര് കടന്നാക്രമിച്ചു.
Also Read ; താമസ നിയമ ലംഘനം; പ്രവാസികള്ക്ക് രാജ്യം വിടുന്നതിനുള്ള പുതിയ നിബന്ധനകള് മുന്നോട്ടുവച്ച് കുവൈറ്റ്
‘നെഹ്റു കുടുംബത്തില് ഇങ്ങനെയൊരു മനുഷ്യന് ഉണ്ടാവുമോ? നെഹ്റു കുടുംബത്തിന്റെ ജെനിറ്റിക്സില് ജനിച്ച ഒരാള്ക്ക് അങ്ങനെ പറയാന് കഴിയുമോ? എനിക്ക് ആ കാര്യത്തില് നല്ല സംശയമുണ്ട്. രാഹുല് ഗാന്ധിയുടെ ഡിഎന്എ പരിശോധിക്കണമെന്ന അഭിപ്രായക്കാരനാണ് ഞാന്.’ പി വി അന്വര് പറഞ്ഞു. പാലക്കാട് മണ്ഡലത്തില് നടന്ന തെരഞ്ഞെടുപ്പ് കണ്വെന്ഷനില് സംസാരിക്കുകയായിരുന്നു പി വി അന്വര്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
രാഹുല് ഗാന്ധി മോദിയുടെ ഏജന്റ് ആണോയെന്ന് സംശയിക്കണമെന്നും കെ സി വേണുഗോപാല് എന്ന ഏഴാം കൂലിയുടെ കൈയ്യിലാണ് കോണ്ഗ്രസിനെ ഏല്പ്പിച്ചിരിക്കുന്നതെന്നും പി വി അന്വര് പറഞ്ഞു. നേരത്തെ തന്നെ രാഹുല് ഗാന്ധിയും മുഖ്യമന്ത്രി പിണറായി വിജയനും തമ്മിലുള്ള വാക്പോര് കടുക്കുന്നതിനിടെയാണ് പി വി അന്വറിന്റെ ഇത്തരം വിമര്ശനം.