തൃശൂര് ഡിസിസി ഓഫീസിലെ കൂട്ടത്തല്ല്; 20 പേര്ക്കെതിരെ കേസെടുത്തു
![](https://metropostkerala.com/wp-content/uploads/2024/06/thrissurfightdcc-991x564.jpg)
തൃശൂര്: തൃശൂര് ഡിസിസി ഓഫീസിലെ സംഘട്ടനത്തില് 20 പേര്ക്കെതിരെ കേസ്. ഡിസിസി പ്രസിഡന്റ് ജോസ് വള്ളൂര് ഉള്പ്പടെ 20 പേര്ക്കെതിരെയാണ് കേസെടുത്തത്. ഡിസിസി സെക്രട്ടറി സജീവന് കുരിയച്ചിറയുടെ പരാതിയിലാണ് കേസ്. ജാമ്യം നല്കാവുന്ന വകുപ്പ് പ്രകാരമാണ് തൃശൂര് ഈസ്റ്റ് പൊലീസ് കേസെടുത്തിരിക്കുന്നത്.
Also Read ; കെഎസ്ആര്ടിസിക്ക് പിന്നാലെ സപ്ലൈകോയിലും ജീവനക്കാരുടെ ശമ്പളം മുടങ്ങി
ലോക്സഭാ തെരഞ്ഞെടുപ്പിലുണ്ടായ പരാജയം ചര്ച്ച ചെയ്യുന്നതിനായി ചേര്ന്ന യോഗമാണ് കഴിഞ്ഞ ദിവസം കൂട്ടത്തല്ലില് കലാശിച്ചത്. കെ മുരളീധരന്റെ വിശ്വസ്തനും ഡിസിസി സെക്രട്ടറിയുമായ സജീവന് കുരിച്ചിറയ്ക്ക് മര്ദ്ദനമേറ്റതാണ് തുടക്കം. ഡിസിസി പ്രസിഡന്റും കൂട്ടരും മര്ദ്ദിച്ചെന്നായിരുന്നു സജീവന്റെ പരാതി. സജീവനെ മര്ദ്ദിച്ചത് ചോദ്യം ചെയ്ത് കൂടുതല് പ്രവര്ത്തകരെത്തിയതോടെ രംഗം വഷളായി. ഇതോടെ ഇരുചേരിയായി തിരിഞ്ഞ് പോര്വിളിയും കയ്യാങ്കളിയുമാവുകയായിരുന്നു.
അതേസമയം, തൃശൂരിലെ തെരഞ്ഞെടുപ്പ് തോല്വിയില് കെ മുരളീധരനും പങ്കുണ്ടെന്നാണ് സംസ്ഥാന നേതൃത്വത്തിന്റെ നിഗമനം. സ്ഥാനാര്ത്ഥിയെന്ന നിലയില് മുരളീധരന്റെ ഭാഗത്തും ചില വീഴ്ചകളുണ്ടായിട്ടുണ്ടെന്ന് ഒരുവിഭാഗം ചൂണ്ടിക്കാട്ടുന്നു. മുരളീധരനെ കാലുവാരി തോല്പ്പിച്ചതല്ലെന്ന വിലയിരുത്തലിലാണ് കെപിസിസി നേതൃത്വം. കെ മുരളീധരന് പരാതികള് ഉന്നയിച്ചെങ്കിലും തോല്വിയിലേക്ക് നയിച്ചത് സംഘടനാ പ്രശ്നങ്ങളോ കുതികാല് വെട്ടലോ അല്ലെന്നാണ് പാര്ട്ടി നേതൃത്വം വിലയിരുത്തുന്നത്.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം