Malayalam 
നിപ പ്രതിരോധത്തിന് ഇ സഞ്ജീവനി സേവനങ്ങള് ശക്തിപ്പെടുത്തി ആരോഗ്യമന്ത്രി വീണ ജോര്ജ്
മലപ്പുറത്ത് നിപ സ്ഥിരീകരിച്ച സാഹചര്യത്തില് സര്ക്കാരിന്റെ ടെലി മെഡിസിന് സംവിധാനമായ ഇ സഞ്ജീവനി സേവനങ്ങള് കൂടുതല് ശക്തിപ്പെടുത്തിയതായി ആരോഗ്യമന്ത്രി വീണ ജോര്ജ്. നിപയുടെ തുടക്കം മുതല് ഇ സഞ്ജീവനി വഴി ഓണ്ലൈന് കണ്സള്ട്ടേഷന് നല്കിയിട്ടുണ്ടായിരുന്നു. നിപയുമായി ബന്ധപ്പെട്ട സംശയങ്ങള് ദൂരീകരിക്കുന്നതിന് ആശുപത്രിയില് പോകാതെ ഡോക്ടറുടെ സേവനം തേടാന് ഇതിലൂടെ സാധിക്കും. ഇത് കൂടാതെയാണ് നിപ പ്രതിരോധവുമായി ബന്ധപ്പെട്ട് ഇ സഞ്ജീവനിയില് 24 മണിക്കൂറും പ്രവര്ത്തിക്കുന്ന പ്രത്യേക ഒപിഡി ആരംഭിച്ചത്. ഈ സേവനം പരമാവധി ഉപയോഗപ്പെടുത്തണമെന്ന് ആരോഗ്യമന്ത്രി അഭ്യര്ഥിച്ചു.
Also Read ; ഹിമാചലിലെ കുളു ജില്ലയില് മേഘ വിസ്ഫോടനവും മിന്നല് പ്രളയവും; മണാലി ദേശീയ പാത അടച്ചു
ആശുപത്രി സന്ദര്ശനം ഒഴിവാക്കി ചികിത്സ തേടാന് കഴിയുന്ന സംവിധാനമാണ് ഇ സഞ്ജീവനി പ്ലാറ്റ്ഫോമില് ഒരുക്കിയിരിക്കുന്നത്. സാധാരണ ഒപിക്ക് പുറമേ എല്ലാ ദിവസവും സ്പെഷ്യാലിറ്റി ഡോക്ടര്മാരുടെ സേവനവും ടെലിമെഡിസിന് പ്ലാറ്റ്ഫോമിലൂടെ ത്രിതല ഹബ്ബ് ആന്റ് സ്പോക്ക് സംവിധാനം വഴി ഡോക്ടര് ടു ഡോക്ടര് സേവനവും ലഭ്യമാണ്.
എങ്ങനെ ഈ സേവനം ലഭ്യമാക്കാം?
- ആദ്യമായി https://esanjeevani.mohfw.gov.in എന്ന ഓണ്ലൈന് വെബ് സൈറ്റ് സന്ദര്ശിക്കുകയോ അല്ലെങ്കില് ഇ സഞ്ജീവനി ആപ്ലിക്കേഷന് മൊബൈലില് ഡൗണ്ലോഡ് ചെയ്ത് ഉപയോഗിക്കുകയോ ചെയ്യാവുന്നതാണ്.
- ഇന്റര്നെറ്റ് സൗകര്യമുള്ള മൊബൈല് ഫോണോ, കമ്പ്യൂട്ടറോ, ടാബോ ഉണ്ടെങ്കില് എന്ന https://esanjeevani.mohfw.gov.inവെബ്സൈറ്റില് പ്രവേശിക്കാം.
- Patient എന്ന ഓപ്ഷന് ക്ലിക്ക് ചെയ്ത ശേഷം ഉപയോഗിക്കുന്ന മൊബൈല് നമ്പര് ഉപയോഗിച്ച് രജിസ്റ്റര് ചെയ്യുക. തുടര്ന്ന് ലഭിക്കുന്ന ഒടിപി നമ്പര് ഉപയോഗിച്ചു ലോഗിന് ചെയ്യുക. അതിനു ശേഷം consult now എന്ന ഐക്കണ് ക്ലിക്ക് ചെയ്ത ശേഷം chief complaints എന്ന ഓപ്ഷനില് നിങ്ങളുടെ പ്രധാനപ്പെട്ട രോഗ ലക്ഷണങ്ങള് രേഖപ്പെടുത്തുക.
- അതിനു ശേഷം സേവ് & നെക്സ്റ്റ് എന്ന ഓപ്ഷന് ക്ലിക്ക് ചെയ്യുകയും രേഖപ്പെടുത്തിയ രോഗ ലക്ഷണവുമായി ബന്ധപ്പെട്ട തുടര് ചോദ്യങ്ങള്ക്ക് കൃത്യമായ ഉത്തരങ്ങള് നല്കുകയും ചെയ്യുക. തുടര്ന്ന് വലതു വശത്തെ arrow mark ല് ക്ലിക്ക് ചെയ്ത ശേഷം query option നിര്ബന്ധമായും ഫില് ചെയ്യുക.
- അടുത്തതായി വരുന്ന Within state only എന്ന ഓപ്ഷന് കൊടുക്കുകയും NIPAH OPD സെലക്ട് ചെയ്യുകയും ചെയ്യുക. തുടര്ന്ന് ഡോക്ടറെ സെലക്ട് ചെയ്ത് കോള് ചെയ്ത ശേഷം രോഗ വിവരങ്ങള് പറഞ്ഞ് കണ്സള്ട്ടേഷന് പൂര്ത്തിയാക്കാം.
- ഒപി കണ്സള്ട്ടേഷന് പൂര്ത്തിയാക്കിയ ശേഷം ഡോക്ടറുടെ കുറിപ്പടി ഡൗണ്ലോഡ് ചെയ്ത് തൊട്ടടുത്ത ആരോഗ്യ സ്ഥാപനങ്ങളില് നിന്നും നിര്ദേശിച്ചിട്ടുള്ള മരുന്നുകള് വാങ്ങാനും ലാബ് പരിശോധനകള് നടത്താനും സാധിക്കുന്നതാണ്.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
