നടന് ദേവന് ബിജെപി സംസ്ഥാന ഉപാധ്യക്ഷന്
![](https://metropostkerala.com/wp-content/uploads/2023/12/devan-991x564.jpg)
തിരുവനന്തപുരം: ബിജെപി സംസ്ഥാന ഉപാദ്ധ്യക്ഷനായി ചലച്ചിത്ര നടന് ദേവനെ നിയമിച്ചതായി സംസ്ഥാന അദ്ധ്യക്ഷന് കെ സുരേന്ദ്രന് ഫേസ്ബുക്ക് പോസ്റ്റിലൂടെ പുറത്തുവിട്ടിരിക്കുന്നു.2004 ല് കേരള പീപ്പിള്സ് പാര്ട്ടി എന്ന പേരില് പാര്ട്ടി രൂപീകരിച്ച് പ്രവര്ത്തിച്ച് തുടങ്ങിയ ദേവന് പിന്നീട് പാര്ട്ടിയുമായി ബിജെപിയില് ലയിക്കുകയായിരുന്നു.
2021 ലെ നിയമസഭാ തിരഞ്ഞെടുപ്പില് ഒറ്റയ്ക്ക് മത്സരിക്കുമെന്ന് പ്രഖ്യാപിച്ചിരുന്നു.
കെ.സുരേന്ദ്രന് നയിച്ച വിജയ യാത്രയുടെ സമാപനത്തിലായിരുന്നു ലയനം. ദേവനെയും പാര്ട്ടിയെയും കേന്ദ്ര ആഭ്യന്തര മന്ത്രി അമിത് ഷായാണ് ബിജെപിയിലേക്ക് സ്വീകരിച്ചത്. നേരത്തേ രണ്ട് തിരഞ്ഞെടുപ്പുകളില് മത്സരിച്ചെങ്കിലും ദേവന് പരാജയപ്പെട്ടിരുന്നു.
Also Read; തദ്ദേശ ഉപതിരഞ്ഞെടുപ്പില് യു ഡി എഫിന് വന് നേട്ടം
കേരളം എന്തുകൊണ്ട് അവികസിതമായി നിലകൊള്ളുന്നു എന്ന് കണ്ടെത്തിയപ്പോഴാണ് മാതൃപാര്ട്ടിയായ കോണ്ഗ്രസിനോട് ടാറ്റ പറഞ്ഞതെന്നും അതിന് ശേഷമാണ് 2004 ല് കേരള പീപ്പിള്സ് പാര്ട്ടി രൂപീകരിച്ചതെന്നുമാണ് പാര്ട്ടിയെ ബിജെപിയില് ലയിപ്പിക്കുന്ന വേളയില് ദേവന് പറഞ്ഞത്. അമിത്ഷായുമായി കൂടിക്കാഴ്ചയ്ക്കുശേഷമാണ് സ്വന്തം പാര്ട്ടിയെ ബിജെപിയില് ലയിപ്പിക്കാന് അദ്ദേഹം തീരുമാനിച്ചത്.