Malayalam 
പുതിയ തെരഞ്ഞെടുപ്പ് കമ്മീഷണര്മാര് ചുമതലയേറ്റു; തെരഞ്ഞെടുപ്പ് തീയതി ആലോചനായോഗം ഉടന്
ന്യൂഡല്ഹി: പുതിയ തെരഞ്ഞെടുപ്പ് കമ്മീഷണര്മാര് ചുമതലയേറ്റു. ലോക്സഭ തെരഞ്ഞെടുപ്പ് തിയതി പ്രഖ്യാപിക്കുന്നതിന് മുന്നോടിയായി കേരള കേഡര് ഉദ്യോഗസ്ഥനായ ഗ്യാനേഷ് കുമാര്, പഞ്ചാബ് കേഡറിലുള്ള മുന് ഐ എസ് എസ് ഉദ്യോഗസ്ഥന് ഡോ. സുഖ്ബീര് സിങ് സന്ധു എന്നിവരാണ് ചുമതലയേറ്റത്. വോട്ടെടുപ്പിന് പൂര്ണ്ണ സജ്ജമാണെന്നും തെരഞ്ഞെടുപ്പ് തീയതിയെക്കുറിച്ച് ആലോചിക്കാന് ഉടന് യോഗം ചേരുമെന്നും കമ്മീഷന് അറിയിച്ചു.
Also Read ; ജമ്മു കാശ്മീരില് മലയാളി സൈനികന് ആത്മഹത്യ ചെയ്തു
പ്രധാനമന്ത്രി നരേന്ദ്രമോദി അധ്യക്ഷനായ മൂന്നംഗ സമിതിയാണ് പുതിയ കമ്മീഷണര്മാരെ തെരഞ്ഞെടുത്തത്. കോ-ഓപ്പറേഷന് വകുപ്പ് സെക്രട്ടറി, പാര്ലമെന്ററി കാര്യ സെക്രട്ടറി എന്നീ നിലകളില് പ്രവര്ത്തിക്കുന്ന ഗ്യാനേഷ് കുമാര് 1988-ലെ കേരള കേഡര് ഉദ്യോഗസ്ഥനാണ്. ഉത്തരാഖണ്ഡ് ചീഫ് സെക്രട്ടറി സ്ഥാനത്തുനിന്ന് വിരമിച്ച ഡോ. സുഖ്ബീര് സിങ് സന്ധു നാഷനല് ഹൈവേ അതോറിറ്റി ചെയര്മാന്, ഉന്നത വിദ്യാഭ്യാസ വകുപ്പ് അഡീ. സെക്രട്ടറി, മാനവവിഭവ വികസന വകുപ്പ് അഡീ. സെക്രട്ടറി സ്ഥാനങ്ങള് വഹിച്ചിട്ടുണ്ട്.
ഫെബ്രുവരിയില് അനുപ് ചന്ദ്ര പാണ്ഡെ വിരമിച്ച ശേഷം പകരം തെരഞ്ഞെടുപ്പ് കമ്മീഷണറെ നിയമിച്ചിരുന്നില്ല. അഭിപ്രായ വ്യത്യാസങ്ങളെ തുടര്ന്ന് അരുണ് ഗോയല് കഴിഞ്ഞയാഴ്ച രാജിവെച്ച സാഹചര്യത്തില് കമ്മീഷനില് ചീഫ് ഇലക്ഷന് കമ്മീഷണര് രാജീവ് കുമാര് മാത്രം ബാക്കിയായതോടെയാണ് പുതിയ തെരഞ്ഞെടുപ്പ് കമ്മീഷണര്മാരെ നിയമിച്ചത്.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
