Malayalam 
എം മുകേഷ് എംഎല്എയുടെ മുന്കൂര് ജാമ്യം ; അപ്പീല് നല്കേണ്ടെന്ന് സര്ക്കാര്
കൊച്ചി: നടനും എംഎല്എയുമായ എം മുകേഷിന്റെ മുന്കൂര് ജാമ്യത്തില് അപ്പീല് നല്കേണ്ടെന്ന് സര്ക്കാര്. മുകേഷിനെതിരായ ലൈംഗികാരോപണ കേസിലാണ് ഹൈക്കോടതിയില് അപ്പീല് നല്കേണ്ടെന്ന് സര്ക്കാര് തീരുമാനിച്ചത്.
എസ്ഐടി നല്കിയ കത്ത് പ്രോസിക്യൂഷന് മടക്കും. അപ്പീലിന് സാധ്യത ഇല്ലെന്ന് മറുപടി നല്കും. എറണാകുളം പ്രിന്സിപ്പല് സെഷന്സ് കോടതിയാണ് മുകേഷിന് മുന്കൂര് ജാമ്യം നല്കിയത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
മുകേഷിന്റെ മുന്കൂര് ജാമ്യം റദ്ദാക്കണമെന്ന് ആവശ്യപ്പെടാന് സര്ക്കാര് തീരുമാനിച്ചിരുന്നു. മുന്കൂര് ജാമ്യം നല്കിയ സെഷന്സ് കോടതി ഉത്തരവിനെതിരെ ഹൈക്കോടതിയില് ഹര്ജി നല്കാനായിരുന്നു തീരുമാനം. എറണാകുളം പ്രിന്സിപ്പല് സെഷന്സ് കോടതി ഉത്തരവ് വിചാരണയെ ബാധിക്കുമെന്നും അതിജീവിതയുടെ മൊഴിയെ അവിശ്വസിക്കുന്നതാണ് മുന്കൂര് ജാമ്യ ഉത്തരവെന്നും ചൂണ്ടിക്കാട്ടിയായിരുന്നു ഹൈക്കോടതിയെ സമീപിക്കാനൊരുങ്ങിയത്.
അതേസമയം മുന്കൂര് ജാമ്യം ലഭിച്ചതിന് പിന്നാലെ സത്യം ചെരുപ്പിട്ട് വരുമ്പോഴേക്കും കള്ളം ലോകം ചുറ്റി കഴിഞ്ഞിരിക്കുമെന്ന് മുകേഷ് പ്രതികരിച്ചിരുന്നു. വൈകി ആണെങ്കിലും സത്യം തെളിയുമെന്നും നിയമ പോരാട്ടം തുടരുമെന്നുമായിരുന്നു മുകേഷിന്റെ പ്രതികരണം.മരട് പോലീസാണ് നടിയുടെ പരാതിയില് മുകേഷിന്റെ കേസ് രജിസ്റ്റര് ചെയ്തത്.നടിയുടെ മൊഴിയുടെ അടിസ്ഥാനത്തില് ഐപിസി 354 പ്രകാരമാണ് കേസെടുത്തിരിക്കുന്നത്.
