Malayalam 
തോട്ടട ഐടിഐയിലെ സംഘര്ഷം ; എസ്എഫ്ഐ-കെഎസ്യു പ്രവര്ത്തകര്ക്കെതിരെ കേസെടുത്ത് പോലീസ്
കണ്ണൂര്: തോട്ടട ഐടിഐയിലെ എസ്എഫ്ഐ – കെഎസ്യു സംഘര്ഷത്തില് ഇരുകൂട്ടരെയും പ്രതിചേര്ത്ത് കേസെടുത്ത് പോലീസ്. സംഘര്ഷത്തില് പരുക്കേറ്റ കെഎസ്യു പ്രവര്ത്തകന് മുഹമ്മദ് റിബിന്റെ പരാതിയില് 11 എസ്എഫ്ഐ പ്രവര്ത്തകര്ക്കെതിരെയും പരുക്കേറ്റ എസ്എഫ്ഐ പ്രവര്ത്തകന് ആഷിക്കിന്റെ പരാതിയില് 6 കെ എസ് യു പ്രവര്ത്തകര്ക്ക് എതിരെയുമാണ് കേസെടുത്തത്. പോലീസിന്റെ ഔദ്യോഗിക കൃത്യനിര്വഹണം തടസ്സപ്പെടുത്തിയതില് 17 എസ്എഫ്ഐ, കെഎസ്യു പ്രവര്ത്തകരുടെ പേരിലും കേസുണ്ട്. സംഭവത്തില് നാളെ മുഴുവന് രാഷ്ട്രീയ സംഘടനകളെയും ഉള്പ്പെടുത്തി പോലീസ് സര്വകക്ഷിയോഗം ചേരും.
Also Read ; ലോക വ്യാപകമായി നാല് മണിക്കൂറിലേറെ പണിമുടക്കി ഫേസ്ബുക്ക്, വാട്സ്ആപ്പ്, ഇന്സ്റ്റഗ്രാം; മാപ്പ് ചോദിച്ച് മെറ്റ
ബുധനാഴ്ചത്തെ സംഘര്ഷത്തെ തുടര്ന്ന് കെഎസ്യു ജില്ലയില് ഇന്ന് പഠിപ്പു മുടക്കിന് ആഹ്വാനം ചെയ്തു. പ്രൊഫഷണല് കോളേജ് ഉള്പ്പെടെ ജില്ലയിലെ മുഴുവന് ക്യാമ്പസുകളിലും പഠിപ്പു മുടക്കും. സംസ്ഥാന വ്യാപകമായി പ്രതിഷേധം സംഘടിപ്പിക്കും. കഴിഞ്ഞ ദിവസം ക്യാമ്പസില് കെ എസ് യു കൊടികെട്ടിയതിന് പിന്നാലെ എസ്എഫ്ഐ കെഎസ്യു പ്രവര്ത്തകര് തമ്മില് ഏറ്റുമുട്ടിയിരുന്നു. പോലീസ് ലാത്തി വീശിയാണ് സംഘര്ഷം നിയന്ത്രിച്ചത്. അക്രമത്തെ തുടര്ന്ന് ഐടിഐ അനിശ്ചിതകാലത്തേക്ക് അടച്ചിട്ടിരിക്കുകയാണ്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
