തിരുവനന്തപുരം: പാര്‍ട്ടിക്കുള്ളിലെ അതൃപ്തി പരസ്യമാക്കി ചാണ്ടി ഉമ്മന്‍ രംഗത്ത്. പാലക്കാട് ഉപതെരഞ്ഞെടുപ്പ് പ്രചരണത്തിലെ അതൃപ്തി പരസ്യമാക്കിയാണ് ചാണ്ടി ഉമ്മന്‍ രംഗത്തെത്തിയത്. പാലക്കാട്ടെ ഉപതെരഞ്ഞെടുപ്പിനോടനുബന്ധിച്ച് എല്ലാവര്‍ക്കും ചുമതലകള്‍ നല്‍കി, പക്ഷേ തനിക്ക് മാത്രം ചുമതല തന്നില്ല. ഇതിനെ പറ്റി അന്ന് പറയേണ്ടെന്ന് കരുതിയതാണ് ഇപ്പോഴും കൂടുതല്‍ കാര്യങ്ങളൊന്നും പറയുന്നില്ല എന്നും വ്യക്തമാക്കി. അതേസമയം പാലക്കാട്ടേക്ക് ഒരു ദിവസം മാത്രമാണ് പ്രചാരണത്തിന് പോയതെന്നും അദ്ദേഹം വ്യക്തമാക്കി. എല്ലാവരെയും ഒന്നിച്ചു നിര്‍ത്തി നേതൃത്വം മുന്നോട്ടുപോണ്ട് പോകണമെന്നും അദ്ദേഹം പറഞ്ഞു.

അതേസമയം കഴിഞ്ഞ ദിവസങ്ങളിലായി പുറത്തുവന്നുകൊണ്ടിരിക്കുന്ന പാര്‍ട്ടി പുനസംഘടനയുമായി ബന്ധപ്പെട്ട വാര്‍ത്തകളിലും ചാണ്ടി ഉമ്മന്‍ പ്രതികരിച്ചു. പാര്‍ട്ടി പുനഃസംഘടനയില്‍ യുവാക്കള്‍ക്ക് പ്രാതിനിധ്യം കിട്ടണം.കെ സുധാകരന്‍ കെപിസിസി പ്രസിഡന്റ് സ്ഥാനത്തു നിന്നും മാറണം എന്ന അഭിപ്രായം ഇല്ല.അത് ചര്‍ച്ച ചെയ്യാന്‍ പോലും പാടില്ല.എല്ലാവരെയും ചേര്‍ത്തുപിടിച്ചു കൊണ്ടുപോകണമെന്നും അദ്ദേഹം ആവര്‍ത്തിച്ചു.

Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..