Malayalam 
ഡല്‍ഹി പോലീസ് ഇനി മോഡേണാകും; യൂണിഫോമിന് പകരം ടീ ഷര്‍ട്ടും കാര്‍ഗോ പാന്റ്‌സും
ന്യൂഡല്‍ഹി: രാജ്യതലസ്ഥാനത്തെ പോലീസുകാര്‍ ഇനി മോഡേണാകും. പോലീസുകാര്‍ക്ക് ഇനി മുതല്‍ ടീ ഷര്‍ട്ടും കാര്‍ഗോ പാന്റ്‌സുമാകും യൂണിഫോം.കൊടും വെയിലത്തും തണുപ്പത്തും ജോലിചെയ്യുന്നവരാണ് ഡല്‍ഹിയിലെ പോലീസുകാര്‍. ഇക്കാര്യം കണക്കിലെടുത്താണ് പുതിയ തീരുമാനം.
പോളോ ടി ഷര്‍ട്ടുകളിലേക്കും ആറ് പോക്കറ്റുള്ള കാര്‍ഗോ പാന്റിലേക്കുമാണ് പോലീസ് മാറുക. യൂണിഫോമിന് പുറമേ ബെല്‍റ്റിലും തൊപ്പിയിലും ഷൂസിലും വരെ മാറ്റങ്ങളുണ്ടാകുമെന്നാണറിയുന്നത്. നിലവിലെ സാഹചര്യത്തില്‍ ഈ തീരുമാനം നടപ്പില്‍ വരാന്‍ കുറച്ചു സമയമെടുക്കുമെങ്കിലും മോഡേണായ ഡല്‍ഹി പോലീസിനെ കാണാന്‍ കഴിയുമെന്ന കാര്യം ഉറപ്പാണ്. നേരത്തെ ട്രൗസര്‍ മാറ്റി കേരള പോലീസിനെ പാന്റ്സിലേക്ക് മാറ്റിയത് ഉമ്മന്‍ ചാണ്ടി ആഭ്യന്തര മന്ത്രിയായിരുന്ന കാലത്താണ്. ആ തരത്തിലൊരു മാറ്റമാണ് ഡല്‍ഹിയിലും നടക്കാന്‍ പോകുന്നത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
