Malayalam 
‘മേയര് രാജിവെക്കണം’; യൂത്ത് കോണ്ഗ്രസ് നടത്തിയ മാര്ച്ചില് സംഘര്ഷം
തിരുവനന്തപുരം: യൂത്ത് കോണ്ഗ്രസ് പ്രവര്ത്തകര് തിരുവനന്തപുരം നഗരസഭയിലേക്ക് നടത്തിയ മാര്ച്ചില് വന് സംഘര്ഷം. പോലീസ് ബാരിക്കേഡ് തകര്ക്കാന് ശ്രമിച്ചതോടെയാണ് പോലീസും പ്രവര്ത്തകരും തമ്മില് സംഘര്ഷമുണ്ടായത്.
Also Read ; അര്ജുന് പാണ്ഡ്യന് ഇനി തൃശൂര് കലക്ടര്
ആമയിഴഞ്ചാന് തോട് വൃത്തിയാക്കുന്നതിനിടയില് ഒഴുക്കില്പ്പെട്ട് ജോയ് മരിച്ച സംഭവത്തില് മേയര് ആര്യാ രാജേന്ദ്രന് രാജിവെക്കണമെന്ന് ആവശ്യപ്പെട്ടാണ് യൂത്ത് കോണ്ഗ്രസ് മാര്ച്ച് നടത്തിയത്. പ്രവര്ത്തകര് നഗരസഭയ്ക്ക് അകത്തേക്ക് കടക്കാന് ശ്രമിച്ചതോടെയാണ് പോലീസ് ജലപീരങ്കി പ്രയോഗിച്ചത്. തുടര്ന്ന് പോലീസും പ്രവര്ത്തകരും തമ്മില് വാക്കേറ്റവും പോലീസിന് നേരെ കല്ലേറും ഉണ്ടായി.
കോര്പ്പറേഷന് ഓഫീസിന് പിന്നിലൂടെയും പ്രവര്ത്തകര് തള്ളിക്കയറാന് ശ്രമിച്ചതോടെ പോലീസ് ലാത്തിച്ചാര്ജ്ജ് നടത്തുകയായിരുന്നു. എന്നാല്, സമരം രാഷ്ട്രീയ ലക്ഷ്യത്തിന്റെ ഭാഗമാണെന്ന് മേയര് ആര്യാ രാജേന്ദ്രന് ആരോപിച്ചു. പൊതു ഇടങ്ങളില് മാലിന്യം നിക്ഷേപിക്കുന്നത് തടയാന് എന്ഫോസ്മെന്റ് നടപടി കര്ശനമാക്കുമെന്നും മേയര് പറഞ്ഞു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
