വടക്കന്ജില്ലകളിലും മധ്യകേരളത്തിലും മഴ കനക്കും; കാലാവസ്ഥ വകുപ്പിന്റെ ജാഗ്രതാനിര്ദേശം
![](https://metropostkerala.com/wp-content/uploads/2023/09/1248-kerala-rain-991x564.jpg)
തിരുവനന്തപുരം: കേരളത്തില് വരും ദിവസങ്ങളിലും മഴ കനക്കുമെന്ന് മുന്നറിയിപ്പ്. ഇടിമിന്നലോട് കൂടിയ ശക്തമായ മഴയ്ക്കാണ് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഒരു ജില്ലയിലും ജാഗ്രതാനിര്ദേശം നല്കിയിട്ടില്ലെങ്കിലും മധ്യകേരളത്തിലും വടക്കന് കേരളത്തിലും മഴ ശക്തമായേക്കും.
മണിക്കൂറില് 40 കിലോമീറ്റര് വരെ വേഗതയുള്ള കാറ്റിനും ഉയര്ന്ന തിരമാലയ്ക്കും സാധ്യതയുള്ളതിനാല് മത്സ്യ തൊഴിലാളികള്ക്ക് ജാഗ്രതാ നിര്ദേശം നല്കിയിട്ടുണ്ട്. കേരളതീരത്തെ മത്സ്യബന്ധനത്തിന് വിലക്കില്ലെങ്കിലും ബീച്ചിലേക്കുള്ള യാത്രകളും, കടലില് ഇറങ്ങിയുള്ള യാത്രകളും പൂര്ണമായും ഒഴിവാക്കണം എന്ന് നിര്ദേശമുണ്ട്.