Malayalam 
തിരുവനന്തപുരം മെഡി.കോളേജില് ഹൃദയ ശസ്ത്രക്രിയ ഉപകരണ പ്രതിസന്ധി; ശസ്ത്രക്രിയകള് മുടങ്ങുന്ന സാഹചര്യം
തിരുവനന്തപുരം: തിരുവനന്തപുരം മെഡിക്കല് കോളേജിലെ ഹൃദയ ശസ്ത്രക്രിയ ഉപകരണ പ്രതിസന്ധി. ശസ്ത്രക്രിയകള് മുടങ്ങുന്ന സാഹചര്യമുണ്ടാകുമെന്ന് കാര്ഡിയോളജി വിഭാഗം മേധാവി പറഞ്ഞു. ഇക്കാര്യം ചൂണ്ടികാട്ടി കഴിഞ്ഞ ദിവസം, ആശുപത്രി സൂപ്രണ്ടിന് കാര്ഡിയോളജി വിഭാഗം മേധാവി കത്ത് ല്കിയിരുന്നു. സംസ്ഥാനത്തെ 21 സര്ക്കാര് ആശുപത്രികളില് നിന്നായി 158 കോടി കുടിശികയായതിനെ തുടര്ന്ന് ഒന്നാം തീയതി മുതല് വിതരണ കമ്പനികള് ഉപകരണ വിതരണം നിര്ത്തിയിരുന്നു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
തിരുവനന്തപുരം മെഡിക്കല് കോളജ് മാത്രം 29 കോടി 56 ലക്ഷം രൂപ നല്കാനുണ്ട്. ഹൃദയ ശസ്ത്രക്രിയയ്ക്കുള്ള സ്റ്റെന്റ് സ്റ്റോക്ക് ഉണ്ടെങ്കിലും അനുബന്ധ ഉപകരണങ്ങള്ക്കാണ് തിരുവനന്തപുരത്ത് ക്ഷാമം. നിലവില് ശസ്ത്രക്രിയകള് മാറ്റിവച്ചിട്ടില്ല. എന്നാല്, വിതരണം പുനസ്ഥാപിച്ചില്ലെങ്കില് അടുത്ത ദിവസങ്ങളില് പ്രതിസന്ധി രൂക്ഷമാകും.
