മാവോയിസ്റ്റുകളും പൊലീസും തമ്മില് ഏറ്റുമുട്ടല്; രണ്ട് മാവോയിസ്റ്റുകള് പിടിയില്
![](https://metropostkerala.com/wp-content/uploads/2023/11/maoist-991x564.jpg)
കല്പ്പറ്റ: വയനാട് പേര്യ ചപ്പാരം കോളനിയില് മാവോയിസ്റ്റുകളും പൊലീസും തമ്മിലുള്ള ഏറ്റുമുട്ടലില് രണ്ട് മാവോയിസ്റ്റുകള് പിടിയിലായി. ചന്ദ്രു, ഉണ്ണിമായ എന്നിവരാണ് പിടിയിലായത്. മാവോയിസ്റ്റുകളും തണ്ടര് ബോള്ട്ട് സംഘവുമായി അരമണിക്കൂറോളം വെടിവെപ്പുണ്ടായി.
ഇന്നലെ രാത്രി 7 മണിയോടെയാണ് മാവോയിസ്റ്റുകള് ചപ്പാരം കോളനിയിലെ അനീഷിന്റെ വീട്ടിലെത്തിയത്. വീട്ടില് മൊബൈല് ഫോണുകളും, ലാപ് ടോപ്പും ചാര്ജ് ചെയ്യണമെന്നാവശ്യപ്പെട്ടു. ഇതിന് ശേഷം വീട്ടില് ഭക്ഷണം കഴിക്കുന്നതിനിടെയാണ് തണ്ടര്ബോള്ട്ട് വീട് വളഞ്ഞത്. ഇതിനിടെ പരസ്പരം വെടിയുതിര്ക്കുകയായിരുന്നു. പിടികൂടിയവരെ രഹസ്യ കേന്ദ്രത്തില് ചോദ്യം ചെയ്യുകയാണ്. രണ്ട് മാവോയിസ്റ്റുകള് ഓടി രക്ഷപ്പെട്ടു. സുന്ദരി, ലത എന്നിവരാണ് രക്ഷപ്പെട്ടത്.
Also Read; സര്ക്കാര് പെന്ഷന് നിഷേധിച്ച ഭിന്നശേഷിക്കാരന് സഹായവുമായി സുരേഷ് ഗോപി
ഏറ്റമുട്ടലില് വെടിയേറ്റയാള് ചികിത്സ തേടാന് സാധ്യതയുള്ളതിനാല് കണ്ണൂര്- വയനാട് അതിര്ത്തികളിലെ ആശുപത്രികളില് പൊലീസ് നിരീക്ഷണം ശക്തമാക്കി. ഏറ്റുമുട്ടലിന് മുമ്പായി ആകാശത്തേക്ക് വെടിവെച്ച് തണ്ടര്ബോള്ട്ട് മാവോയിസ്റ്റുകളോട് കീഴടങ്ങാന് ആവശ്യപ്പെട്ടിരുന്നു. എന്നാല് ഇതിന് സംഘം തയറാറായില്ല. തുടര്ന്ന് ഇത് ഏറ്റമുട്ടലില് കലാശിക്കുകയായിരുന്നു. ഇവര്ക്കൊപ്പമുണ്ടായിരുന്ന രണ്ട് പേര് ഉള്വനത്തിലേക്ക് രക്ഷപ്പെട്ടു. രണ്ട് എ.കെ. 47 തോക്കുകളും ഒരു എസ്.എല്.ആറും പിടിച്ചെടുത്തിട്ടുണ്ട്. മാവോവാദികളെ പിടികൂടാന് പ്രദേശത്ത് സംയുക്ത ഓപ്പറേഷന് നടക്കുകയാണ്.