Malayalam 
വയനാട് തിരുനെല്ലിയില്‍ വിദേശ വനിതയെ റിസോര്‍ട്ട് ജീവനക്കാരന്‍ പീഡിപ്പിച്ചതായി പരാതി
കല്‍പ്പറ്റ: വയനാട് തിരുനെല്ലിയില്‍ വിനോദസഞ്ചാരിയായ വിദേശ വനിതയെ സ്വകാര്യ റിസോര്‍ട്ട് ജീവനക്കാരന്‍ പീഡിപ്പിച്ചതായി പരാതി. നെതര്‍ലന്‍ഡ് സ്വദേശിയായ യുവതിയാണ് തിരുനെല്ലി ക്ലോവ് റിസോര്‍ട്ടിലെ ജീവനക്കാരനെതിരെ പരാതി നല്‍കിയത്. യുവതിക്ക് നേരെ ലൈംഗികാതിക്രമം നടന്നുവെന്ന് പറഞ്ഞ് എഡിജിപിക്ക് യുവതി ഇ-മെയിലായി പരാതി നല്‍കിയി ഒരാഴ്ചയായിട്ടും ഇതുവരെ പ്രതിയെ പിടികൂടാന്‍ പോലീസിന് കഴിഞ്ഞിട്ടില്ല.
Also Read ; സോഷ്യല്‍ മീഡിയ ഇന്‍ഫ്‌ളുവന്‍സറുടെ മരണം; നിര്‍ണായക കണ്ടെത്തലുമായി പോലീസ്
വയനാട് സന്ദര്‍ശിക്കാനായി എത്തിയ യുവതിയോട് തിരുമ്മല്‍ ചികിത്സയ്ക്കിടെ ലൈംഗിക ബന്ധത്തിന് ആവശ്യപ്പെട്ടതായും ലൈംഗികാതിക്രമം നടത്തിയെന്നും പരാതിയില്‍ പറയുന്നുണ്ട്. ഉന്നത ഉദ്യോഗസ്ഥന് പരാതി നല്‍കി ഒരാഴ്ചയായിട്ടും പോലീസ് അലംഭാവം കാണിക്കുന്നുവെന്ന ആരോപണമുയരുന്നുണ്ട്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
കഴിഞ്ഞ ഡിസംബര്‍ മാസം ആദ്യമാണ് ഓണ്‍ലൈന്‍ ബുക്കിങ് വഴി തിരുനെല്ലിയിലെ ക്ലോവ് റിസോര്‍ട്ടില്‍ യുവതി എത്തിയത്. ലൈംഗികാതിക്രമത്തിനെതിരെ ഇന്ത്യയില്‍ പരാതി നല്‍കേണ്ടത് എങ്ങനെയാണെന്ന് ഇവര്‍ക്ക് അറിയില്ലായിരുന്നു. നാട്ടിലെത്തിയതിന് ശേഷമാണ് കഴിഞ്ഞ പതിനാലാം തീയതി യുവതി എഡിജിപിക്ക് ഇ-മെയിലൂടെ പരാതി നല്‍കിയത്.
