ചെങ്കണ്ണിന് സ്വയം ചികിത്സഅരുത് സൂക്ഷിക്കുക
![](https://metropostkerala.com/wp-content/uploads/2023/10/red-eye-991x564.jpg)
കേരളത്തിൽ ഉടനീളം ചെങ്കണ്ണ് പടര്ന്നുകൊണ്ടിരിക്കുകയാണ്. ചൂടുള്ള കാലാവസ്ഥയും ഇടയ്ക്കിടെ പെയ്യുന്ന മഴയും ഇതിന് കാരണമാകുന്നു. കണ്ണിന് ചുവപ്പ്,വേദന,പഴുപ്പ്,കൂടുതല് കണ്ണൂനീര് തുടങ്ങിയവയാണ് പ്രധാന ലക്ഷണങ്ങള്.
ചെങ്കണ്ണ് പല വിധത്തില് ഉണ്ടാകുന്നുണ്ട് .വൈറസ് മൂലമുള്ള ചെങ്കണ്ണ് കണ്ണിന്റെ കൃഷ്ണമണിയെ ബാധിക്കുന്നതും കാഴ്ചക്കുറവുണ്ടാക്കുന്നതുമാണ്.
ശ്രദ്ധിക്കേണ്ട കാര്യങ്ങള്
*രോഗലക്ഷണങ്ങള് കണ്ടാല് അംഗീകൃത ഡോക്ടറെ കണ്ട ശേഷമേ മരുന്നുകള് ഉപയോഗിക്കാവൂ.
*സ്വയം ചികിത്സ ചെയ്യാതിരിക്കിക.
*കണ്ണില് ഇടയ്ക്കിടെ തൊടുന്നതും തിരുമ്മുന്നതും ഒഴിവാക്കുക.
*കണ്ണില് തൊട്ട കൈകള് വൃത്തിയായി കഴുകുക.
*രോഗി ഉപയോഗിക്കുന്ന ടൗവ്വലുകളും ഷീറ്റുകളും പങ്കിടാതിരിക്കുക.
*കണ്ണ് കഴുകുന്നതിനായി ആയുര്വേദ ഔഷധമായ ത്രിഫലചൂര്ണ്ണം ഇട്ട് തിളപ്പിച്ച വെള്ളം ഉപയോഗിക്കുന്നത് കണ്ണിന് കുളിര്മയും ചൊറിച്ചില് വേദന ഇവയില് നിന്ന് ശമനവും നല്കുന്നു.(1/2 സ്പൂണ് ചൂര്ണ്ണം 3 ഗ്ളാസ്സ് വെള്ളത്തില് തിളപ്പിച്ച് അരിച്ച് തണുത്ത ശേഷം ഉപയോഗിക്കുക)
Join with metro post: വാർത്തകൾ വേഗത്തിലറിയാൻ Metro Post വാട്സ്ആപ്പ് ചാനലിൽ അംഗമാകൂ
ഒഴിവാക്കേണ്ട കാര്യങ്ങള്
*സ്വയം ചികിത്സ ഒഴിവാക്കി അടുത്തുള്ള അംഗീകൃത ഡോക്ടറെ സമീപിക്കുക.
*വെയില് കൊള്ളാതെയും അധികം ചൂടേല്ക്കാതെയും കണ്ണടകള് ഉപയോഗിച്ച് കണ്ണിന് സംരക്ഷണം നല്കുക.
*ടി.വി കമ്പ്യൂട്ടര്,മൊബൈല് ഇവയുടെ ഉപയോഗം കുറയ്ക്കുക.
*എരിവ്,പുളി എന്നീ രസമുള്ള ആഹാരങ്ങളുടെ ഉപയോഗം കുറയ്ക്കുക.
സാധാരണ ഗതിയില് ഈ അസുഖം 3 ദിവസം കൊണ്ട് കുറയാറുണ്ട്. അസുഖത്തിന്റെ തീവ്രത കുറയുന്നില്ലെങ്കില് കാഴ്ചശക്തിയെ ബാധിക്കുന്ന അവസ്ഥയില് എത്താവുന്നതാണ്. ഈ സമയം നേത്രരോഗ വിദഗ്ധന്റെ സേവനം നിര്ബന്ധമായും തേടേണ്ടതാണ്.
Also Read; ഓപ്പറേഷൻ അജയ്: മൂന്നാമത്തെ വിമാനവും എത്തി, സംഘത്തിൽ 18 മലയാളികൾ