Malayalam 
പാക്കിസ്ഥാനില് കോടതി പരിസരത്ത് സ്ഫോടനം, അഭിഭാഷകര് ഉള്പ്പടെ 12 മരണം
ഇസ്ലാമാബാദ് : പാക്കിസ്ഥാനില് സ്ഫോടനത്തില് 12 പേര് കൊല്ലപ്പെട്ടതായി റിപ്പോര്ട്ട്. ഇരുപതിലേറെ പേര്ക്ക് പരിക്കേറ്റിട്ടുണ്ട്. പരിക്കേറ്റവരിലേറെയും അഭിഭാഷകരാണെന്നാണ് പ്രാഥമിക വിവരം. ഇസ്ലാമാബാദ് കോടതി പരിസരത്ത് കാര് പൊട്ടിത്തെറിക്കുകയായിരുന്നുവെന്നാണ് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നത്. ഡല്ഹിയിലെ ചാവേറാക്രമണത്തിന് പിന്നാലെയാണ് ഇസ്ലാമാബാദിലും സ്ഫോടനം ഉണ്ടായിരിക്കുന്നത്.
കാന്തയില് ത്യാഗരാജഭാഗവതരെ അപകീര്ത്തിപ്പെടുത്തി; ദുല്ഖര് സല്മാന് മദ്രാസ് ഹൈക്കോടതി നോട്ടീസ്
ഉച്ചയ്ക്ക് 12.30 ഓടെയായിരുന്നു സംഭവം. സ്ഫോടനം നടന്ന സ്ഥലത്ത് നിരവധി വാഹനങ്ങള് പാര്ക്ക് ചെയ്തിരുന്നു. ഇവയ്ക്കെല്ലാം കേടുപാടുകള് സംവിച്ചിട്ടുണ്ട്. കോടതിയില് ജോലി ചെയ്യുന്ന ജീവനക്കാരും അഭിഭാഷകരുമാണ് പരിക്കേറ്റവരില് ഭൂരിഭാഗവും. തെക്കന് വസീറിസ്ഥാനിലെ വാനയില് തെഹ്രീകെ താലിബാന് പാക്കിസ്ഥാന് (ടിടിപി) നടത്തിയ ആക്രമണത്തിന് പിന്നാലെ പാക് സുരക്ഷാ സേന തിരിച്ചടിച്ച് മണിക്കൂറുകള്ക്കുള്ളിലാണ് ഇസ്ലാമാബാദിനെ വിറപ്പിച്ചസ്ഫോടനം.
