Malayalam 
ശബരിമല സ്വര്ണക്കൊള്ള: എന് വാസു അറസ്റ്റില്
പത്തനംതിട്ട: ശബരിമല സ്വര്ണക്കൊള്ളയുമായി ബന്ധപ്പെട്ട കേസില് ദേവസ്വം മുന് കമ്മീഷണര് എന് വാസുവിനെ പ്രത്യേക അന്വേഷണ സംഘം (എസ് ഐ ടി) അറസ്റ്റ് ചെയ്തു. കേസില് മൂന്നാം പ്രതിയാണ് വാസു. കമ്മീഷണറായിരുന്ന കാലയളവില് ശബരിമല സന്നിധാനത്തെ സ്വര്ണം പൊതിഞ്ഞ കട്ടിളപ്പാളി സ്പോണ്സര് ഉണ്ണികൃഷ്ണന് പോറ്റിക്ക്കൈമാറിയതുമായി ബന്ധപ്പെട്ട കേസിലാണ് അറസ്റ്റ്.
MORE NEWS : : പാക്കിസ്ഥാനില് കോടതി പരിസരത്ത് സ്ഫോടനം, അഭിഭാഷകര് ഉള്പ്പടെ 12 മരണം
സ്വര്ണം പൂശലുമായി ബന്ധപ്പെട്ട് സ്പോണ്സറുടെ കൈവശം ബാക്കി സ്വര്ണം ഉണ്ടെന്നറിഞ്ഞിട്ടും വാസു നടപടിയെടുത്തില്ലെന്നാണ് ആരോപണം. ശബരിമല സ്വര്ണക്കൊള്ള നടന്ന 2019ല് എന്.വാസു ദേവസ്വം ബോര്ഡ് കമ്മീഷണറായിരുന്നു. കട്ടിളപ്പാളിയിലെ സ്വര്ണപ്പാളികള് ചെമ്പാണെന്ന് എഴുതാന് കമ്മീഷണറായിരുന്ന വാസു 2019 മാര്ച്ച് 19ന് നിര്ദേശം നല്കിയെന്ന് സ്ഥിരീകരിച്ചതിനെ തുടര്ന്നാണ് വാസുവിനെ കേസില് മൂന്നാം പ്രതിയാക്കിയത്. മാര്ച്ച് 31ന് കമ്മിഷണര് സ്ഥാനത്ത് നിന്ന് വാസു മാറുകയും എ പത്മകുമാറിന് പിന്നാലെ ദേവസ്വം ബോര്ഡ് പ്രസിഡന്റാവുകയും ചെയ്തു.
