Malayalam 
മഞ്ചേശ്വരം തെരഞ്ഞെടുപ്പ് കോഴക്കേസ്; കെ സുരേന്ദ്രന് കോടതിയില് ഹാജരായി
കാസര്കോട്: മഞ്ചേശ്വരം തെരഞ്ഞെടുപ്പ് കോഴക്കേസില് ബിജെപി സംസ്ഥാന അധ്യക്ഷന് കെ സുരേന്ദ്രന് ജാമ്യ അപേക്ഷ നല്കി. ജാമ്യ അപേക്ഷ നല്കിയതിന് പിന്നാലെ കെ സുരേന്ദ്രന് കാസര്കോട് ജില്ല സെഷന്സ് കോടതിയില് ഇന്ന് രാവിലെ ഹാജരായി. ഇതാദ്യമായാണ് ഈ കേസില് സുരേന്ദ്രന് കോടതിയില് ഹാജരാകുന്നത്.
കെ. സുരേന്ദ്രന് പുറമെ കേസിലെ മുഴുവന് പ്രതികളും ഇര കെ.സുന്ദരയും കോടതിയില് ഹാജരായി. കാസര്കോട് ജില്ല സെഷന്സ് കോടതിയിലാണ് ജാമ്യ അപേക്ഷ സമര്പ്പിച്ചത്.
2021ലെ നിയമസഭ തെരഞ്ഞെടുപ്പില് മഞ്ചേശ്വരത്തെ ബിഎസ്പി സ്ഥാനാര്ഥിയായ സുന്ദരക്ക് സ്ഥാനാര്ത്ഥിത്വം പിന്വലിക്കാന് രണ്ടര ലക്ഷം രൂപയും സ്മാര്ട്ട് ഫോണും നല്കിയെന്നും ഭീഷണിപ്പെടുത്തിയെന്നുമാണ് കേസ്.
Also Read; സ്ക്രീന് ഷെയര് ആപ്പിലൂടെ തട്ടിപ്പ്: മുന്നറിയിപ്പുമായി കേരള പൊലീസ്
കേസില് നിന്ന് ഒഴിവാക്കണമെന്നാവശ്യപ്പെട്ട് നല്കിയ വിടുതല് ഹര്ജി പരിഗണിക്കുമ്പോഴാണ് കെ.സുരേന്ദ്രനടക്കമുള്ള പ്രതികളോട് ഹാജരാവാന് കോടതി നിര്ദ്ദേശം നല്കിയത്.
