വിനായകനെ അറസ്റ്റ് ചെയ്ത് ജാമ്യത്തില് വിട്ടു
![](https://metropostkerala.com/wp-content/uploads/2023/10/vinayakan-991x564.jpg)
കൊച്ചി: പോലീസ് സ്റ്റേഷനിലെത്തി ബഹളം വെച്ച നടന് വിനായകനെ അറസ്റ്റ് ചെയ്ത് ജാമ്യത്തില് വിട്ടു. എറണാകുളം നോര്ത്ത് പോലീസ് സ്റ്റേഷനിലെത്തിയാണ് വിനായകന് ബഹളം വെച്ചത്. കഴിഞ്ഞ ദിവസം ഉച്ചയ്ക്ക് സ്റ്റേഷനില് വിളിച്ച് കുടുംബ പ്രശ്നങ്ങളില് പരാതിപ്പെട്ട വിനായകന് വൈകിട്ട് സ്റ്റേഷനില് എത്തി പ്രശ്നം ഉണ്ടാക്കുകയായിരുന്നു. ലഹരി ഉപയോഗിച്ചാണ് വിനായകന് എത്തിയതെന്ന് പോലീസ് പറഞ്ഞു.
നോര്ത്ത് സ്റ്റേഷനിലെത്തിയ വിനായകന് പരസ്യമായി സിഗരറ്റ് വലിച്ചതിന് പോലീസ് ആദ്യം പിഴയീടാക്കി. ഇതിനുശേഷം സ്റ്റേഷനില് കയറി പ്രശ്നങ്ങള് ഉണ്ടാക്കുകയായിരുന്നുവെന്നും പോലീസ് പറയുന്നു. ഹരി ഉപയോഗിച്ച് പൊതു സ്ഥലത്ത് നിയന്ത്രണമില്ലാതെ പെരുമാറി, സര്ക്കാര് ഉദ്യോഗസ്ഥരെ അസഭ്യം പറഞ്ഞു തുടങ്ങി സ്റ്റേഷന് ജാമ്യം ലഭിക്കുന്ന വകുപ്പുകളാണ് വിനായകനെതിരെ ചുമത്തിയത്.
Join with metro post: മെട്രോ പോസ്റ്റ് വാട്സാപ്പ് ചാനലില് ജോയിന് ചെയ്യുന്നതിനായി ഇവിടെ ക്ലിക്ക് ചെയ്യുക
അതേസമയം തനിക്കൊന്നുമറിയില്ലെന്നും തന്നെ എന്തിന് അറസ്റ്റ് ചെയ്തതെന്ന് അറിയില്ലെന്ന് വിനായകന് പറഞ്ഞു.ഇതിനെ കുറിച്ച് കൂടുതല് അറിയണമെങ്കില് പോലീസിനോട് നേരിട്ട് ചോദിക്കണമെന്നും വിനായകന് മാധ്യമങ്ങളോട് പ്രതികരിച്ചു. വൈദ്യപരിശോധനയ്ക്ക് ശേഷം പോലീസ് സ്റ്റേഷനിലേക്ക് പോകുന്നതിനിടെയിലാണ് വിനായകന് മാധ്യമങ്ങളോട് പ്രതികരിച്ചത്.
Also Read; തൊഴില് അന്വേഷകര്ക്ക് എല്ലാ സേവനങ്ങളും ഒരു കുടക്കീഴില്
താനൊരു പരാതി കൊടുക്കാന് പോയതാണെന്നും എന്തിനാണ് അറസ്റ്റ് ചെയ്തതെന്ന് പോലീസിനോട് ചോദിക്കണമെന്നും വിനായകന് പറഞ്ഞു. തന്നെക്കുറിച്ച് എന്തും പറയാമല്ലോ. താനൊരു പെണ്ണുപിടിയനാണെന്നും അവര്ക്ക് പറയാമല്ലോ എന്നും വിനായകന് കൂട്ടിച്ചേര്ത്തു.