Malayalam 
കളമശ്ശേരി സ്ഫോടനം: മരണ സംഖ്യ മൂന്നായി
കൊച്ചി: കളമശ്ശേരി സ്ഫോടനത്തില് പരിക്കേറ്റ് ചികിത്സയിലായിരുന്ന 12 കാരിയും മരിച്ചു. മലയാറ്റൂര് സ്വദേശി ലിബിനയാണ് മരിച്ചത്. സ്ഫോടനത്തില് 95 ശതമാനം പൊള്ളലേറ്റ് വെന്റിലേറ്ററില് ചികിത്സയില് കഴിയുകയായിരുന്നു. ഇതോടെ സ്ഫോടനത്തില് മരിച്ചവരുടെ എണ്ണം മൂന്നായി.
Join with metro post: വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
മെഡിക്കല് ബോര്ഡിന്റെ നിര്ദേശപ്രകാരം കുട്ടിക്ക് ആവശ്യമായ ചികിത്സകള് നല്കി വരികയായിരുന്നു. മരുന്നുകളോട് പ്രതികരിക്കാതെ വരികയും തിങ്കളാഴ്ച പുലര്ച്ചെ 12.40ന് കുട്ടി മരിക്കുകയും ചെയ്തെന്ന് ആശുപത്രി അധികൃതര് അറിയിച്ചു. ലിബിനയുടെ അമ്മയും സഹോദരനും ചികിത്സയിലാണ്. ഇവരുടെ പൊള്ളല് ഗുരതരമല്ല.
എറണാകുളം കുറുപ്പുംപടി സ്വദേശി ലയോണ പൗലോസ് (60), തൊടുപുഴ സ്വദേശിയായ കുമാരി (53) എന്നിവരാണ് മരിച്ച മറ്റ് രണ്ട് പേര്. സ്ഫോടനത്തില് ആദ്യം മരിച്ച സ്ത്രീയാണ് ലയോണ. ഏറെ വൈകിയാണ് സ്ഫോടനത്തില് മരിച്ചത് ലയോണ ആണെന്ന് തിരിച്ചറിഞ്ഞത്.
