കണ്ടല സഹകരണ ബാങ്കില് ഇ ഡി റെയ്ഡ്
![](https://metropostkerala.com/wp-content/uploads/2023/11/ba-991x564.jpg)
തിരുവനന്തപുരം: കണ്ടല സഹകരണ ബാങ്കില് ഇഡി റെയ്ഡ്. ഇന്ന് പുലര്ച്ചയാണ് ഇഡി സംഘം റെയ്ഡിനായി ബാങ്കില് എത്തിയത്. നാല് വാഹനങ്ങളില് ആയാണ് ഇഡി സംഘം എത്തിയത്. 101 കോടി രൂപയുടെ ക്രമക്കേടാണ് കണ്ടല ബാങ്കില് കണ്ടെത്തിയത്. കഴിഞ്ഞ 30 വര്ഷത്തിലേറെയായി സിപിഐ നേതാവായ എന് ഭാസുരാംഗനാണ് ബാങ്ക് പ്രസിഡന്റ്.ഈയിടെയാണ് ഭരണ സമിതി രാജിവെച്ചത്. നിലവില് അഡ്മിനിസ്ട്രേറ്റീവ് ഭരണമാണ് നടക്കുന്നത്.
Also Read; കേദാര്നാഥില് കണ്ടുമുട്ടി രാഹുല് ഗാന്ധിയും വരുണ് ഗാന്ധിയും
എന് ഭാസുരാംഗന് നേരത്തെ ക്ഷീരയിലും അഴിമതി നടത്തിയിരുന്നതിനാല് ക്ഷീര പ്ലാന്റ് ഇപ്പോള് പ്രവര്ത്തിക്കുന്നില്ല. നിലവില് മില്മ തെക്കന് മേഖല അഡ്മിനിസ്ട്രേറ്ററാണ് സിപിഐ നേതാവായ ഭാസുരാംഗന്.ക്രമക്കേടില് ഇ ഡി നേരത്തെ സഹകരണവകുപ്പിന്റെ പരിശോധന റിപ്പോര്ട്ട് വാങ്ങിയിരുന്നു. നൂറുകണക്കിന് ആളുകളാണ് നിക്ഷേപം തിരിച്ചുകിട്ടാതെ കഷ്ടപ്പെട്ടത്.