നവകേരളസദസ് തുടങ്ങാന് ഇനി മണിക്കൂറുകള് മാത്രം
![](https://metropostkerala.com/wp-content/uploads/2023/11/navakerala-sadas-1-991x564.jpg)
കാസര്കോട്: വിവാദങ്ങള്ക്കും വിമര്ശനങ്ങള്ക്കുമിടെ മുഖ്യമന്ത്രിയും മന്ത്രിമാരും നയിക്കുന്ന നവകേരള സദസിന് അല്പസമയത്തിനകം തുടക്കമാകും. കാസര്കോട് മഞ്ചേശ്വരം മണ്ഡലത്തിലെ പൈവളികെയില് വൈകിട്ട് 3.30 ന് പരിപാടിയുടെ സംസ്ഥാന തല ഉദ്ഘാടനം മുഖ്യമന്ത്രി പിണറായി വിജയന് നിര്വഹിക്കുന്നത്.
കാസര്കോട്ടെ നാലു മണ്ഡലങ്ങളിലാണ് ഞായറാഴ്ച മണ്ഡലസദസ് നടക്കുന്നത്.
കാസര്കോട്,ഉദുമ,കാഞ്ഞങ്ങാട്,തൃക്കരിപ്പൂര് എന്നീ മണ്ഡലങ്ങളിലാണ് ഞായാറാഴ്ച പര്യടനം. നവകേരള സദസ്സ് നടക്കുന്ന ദിവസം അതത് മണ്ഡലങ്ങളിലെ പ്രത്യേകം ക്ഷണിക്കപ്പെട്ട വ്യക്തികളുമായി രാവിലെ 9 മണിക്ക് മുഖ്യമന്ത്രിയും മന്ത്രിമാരും കൂടിക്കാഴ്ച നടത്തും. തുടര്ന്നാണ് ജനങ്ങള്ക്ക് മുന്നിലേക്ക് എത്തുന്നത്. ഓരോ മണ്ഡലങ്ങളിലും പരാതികള് സ്വീകരിക്കാന് പ്രത്യേകം സംവിധാനം ഉണ്ട്.
Also Read; നവകേരള സദസ് ഉദ്ഘാടനം നടക്കാനിരിക്കെ കാസര്കോട് സ്വകാര്യ ബസ് മിന്നല് പണിമുടക്ക്
സുരക്ഷ കണക്കിലെടുത്ത് സദസ്സ് നടക്കുന്ന മണ്ഡലങ്ങളില് പ്രത്യേകം പോലീസ് സേനയെ വിന്യസിച്ചിട്ടുണ്ട്. കേരളത്തിലെ 140 മണ്ഡലങ്ങളിലും നവ കേരള സദസിന്റെ ഭാഗമായി മുഖ്യമന്ത്രിയും മന്ത്രിമാരും പര്യടനം നടത്തും. സ്വാതന്ത്ര്യ സമര സേനാനികള്, വിവിധ മേഖലകളിലെ പ്രമുഖര്, കലാകാരന്മാര്, സെലിബ്രിറ്റികള്, അവാര്ഡ് ജേതാക്കള് എന്നിങ്ങനെ നിരവധി ആളുകള് നവ കേരള സദസ്സിന്റെ ഭാഗമാകും. രാവിലെ 11 മണി, ഉച്ചയ്ക്ക് ശേഷം 3, 4.30, വൈകിട്ട് 6 മണി എന്നിങ്ങനെയാണ് ദിവസവും നാല് മണ്ഡലങ്ങളിലെ സദസ് നടക്കുന്നത്.