ഡല്ഹിയില് കനത്ത മൂടല്മഞ്ഞ്; വിമാനങ്ങളും ട്രെയിനുകളും വൈകി
![](https://metropostkerala.com/wp-content/uploads/2024/01/planetrain-991x564.jpg)
ന്യൂഡല്ഹി: ഡല്ഹിയില് കനത്ത മൂടല്മഞ്ഞിനെത്തുടര്ന്ന് വിമാനങ്ങളും ട്രെയിനുകളും വൈകി. ഇന്ദിരാഗാന്ധി ഇന്റര്നാഷണല് വിമാനത്താവളത്തില്നിന്ന് പുറപ്പെടേണ്ട 17 വിമാനങ്ങള് റദ്ദാക്കിയതായി വിമാനത്താവള അധികൃതര് അറിയിച്ചിട്ടുണ്ട്. ഫ്ലൈറ്റ്റഡാര് 24 അനുസരിച്ച്, പ്രതികൂല കാലാവസ്ഥമൂലം 100-ലധികം വിമാനങ്ങളാണ് വൈകിയിരിക്കുന്നത്. 5 ഡിഗ്രി സെല്ഷ്യസാണ് കുറഞ്ഞ താപനില രേഖപ്പെടുത്തിയിരിക്കുന്നത്. ഇതിനെതുടര്ന്ന് നിരവധി യാത്രക്കാര് ലഗേജുമായി വിമാനത്താവളത്തില് കാത്തുനില്ക്കുകയാണ്.
Also Read ; ഫിഫ ദ ബെസ്റ്റ് പുരസ്കാരം വീണ്ടും മെസ്സിക്ക്
ഡല്ഹി വിമാനത്താവളത്തില് ദൃശ്യപരത കുറഞ്ഞ സാഹചര്യത്തില് നടപടിക്രമങ്ങള് പുരോഗമിക്കുകയാണെന്നും എല്ലാ ഫ്ലൈറ്റ് പ്രവര്ത്തനങ്ങളും നിലവില് സാധാരണമാണെന്നും വിമാനത്താവള അധികൃതര് അറിയിച്ചു.ഫ്ലൈറ്റ് വിവരങ്ങള്ക്കായി ബന്ധപ്പെട്ട എയര്ലൈനുമായി ബന്ധപ്പെടാനും അധികൃതര് യാത്രക്കാരോട് അഭ്യര്ത്ഥിച്ചു. അതേസമയം, മൂടല്മഞ്ഞ് മൂലം ജനുവരി 16 വരെ രാജ്യത്തിന്റെ വിവിധ ഭാഗങ്ങളില് നിന്ന് ഡല്ഹിയിലേക്കുള്ള 30 ട്രെയിനുകള് വൈകി ഓടുമെന്ന് റെയില്വേ അധികൃതര് അറിയിച്ചിട്ടുണ്ട്.
Join with metro post :വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം