Malayalam 
കെ വിദ്യ മാത്രം പ്രതി, വ്യാജരേഖ കേസില് കുറ്റപത്രം സമര്പ്പിച്ചു
കാസര്കോട്: കാസര്കോട് കരിന്തളം ഗവണ്മെന്റ് കോളേജില് അധ്യാപക നിയമനത്തിനായി വ്യാജ സര്ട്ടിഫിക്കറ്റ് നിര്മിച്ച് സമര്പ്പിച്ചുവെന്നുള്ള കുറ്റപത്രം നീലേശ്വരം പോലീസ് സമര്പ്പിച്ചു. മഹാരാജാസ് കോളേജിന്റെ പേരിലുള്ള വ്യാജ പ്രവര്ത്തി പരിചയ സര്ട്ടിഫിക്കറ്റ് ഹാജരാക്കി വിദ്യ ഒരു വര്ഷം കരിന്തളം ഗവ. കോളേജില് ജോലി ചെയ്തിരുന്നു. ഈ കേസിലാണ് ഹോസ്ദുര്ഗ് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് നീലേശ്വരം പോലീസ് കുറ്റപത്രം സമര്പ്പിച്ചത്. വിദ്യ മാത്രമാണ് പ്രതിയെന്നും വ്യാജരേഖ നിര്മിക്കാന് മറ്റാരുടെയും സഹായം ലഭിച്ചില്ലെന്നും കുറ്റപത്രത്തിലുണ്ട്.
Also Read ; ‘തന്നെ ഉപദ്രവിക്കാന് ചിലര്ക്ക് പ്രത്യേക താല്പര്യമാണെന്ന്’ മന്ത്രി ഗണേഷ് കുമാര്
തന്റെ മൊബൈല് ഫോണില് സ്വന്തമായാണ് രേഖ ഉണ്ടാക്കിയതെന്നും ഇതിന്റെ ഒറിജിനല് നശിപ്പിച്ചുവെന്നുമുള്ള വിദ്യയുടെ മൊഴി ശരിയാണെന്നാണ് കുറ്റപത്രത്തില് പറയുന്നത്. വ്യാജരേഖ നിര്മിക്കല്, വ്യാജരേഖ സമര്പ്പിക്കല്, വഞ്ചന, തെളിവ് നശിപ്പിക്കല് എന്നീ വകുപ്പുകളാണ് വിദ്യക്കെതിരെ ചുമത്തിയിരിക്കുന്നത്. വ്യാജ സര്ട്ടിഫിക്കറ്റ് ഉപയോഗിച്ച് സര്ക്കാര് ശമ്പളം കൈപറ്റിയെന്നും കുറ്റപത്രത്തില് പറയുന്നു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
