തിരുവനന്തപുരം: വാഹന റജിസ്ട്രേഷന്‍ സര്‍ട്ടിഫിക്കറ്റ് (ആര്‍സി), ഡ്രൈവിങ് ലൈസന്‍സ് പ്രിന്റിങ് സംബന്ധിച്ച അനിശ്ചിതാവസ്ഥ മാറിയില്ല. ഇതുവരെ പ്രിന്റ് ചെയ്തതിന്റെ പണം നല്‍കാമെന്ന് മന്ത്രിസഭാ യോഗത്തില്‍ തീരുമാനമായതിന്റെ അടിസ്ഥാനത്തില്‍ 15 കോടി രൂപ അനുവദിച്ചെങ്കിലും ഇതുവരെ കൈമാറിയിട്ടില്ല. നടപടിക്രമങ്ങള്‍ പൂര്‍ത്തിയാകുന്നതിന്റെ കാലതാമസമാണുള്ളത്.

Also Read ; ഉത്രാളിക്കാവ് പൂരം വെടിക്കെട്ടിന് അനുമതി

10 ലക്ഷത്തിലേറെ ആര്‍സിയും ലൈസന്‍സുമാണ് അച്ചടിക്കാനുള്ളത്. നവംബര്‍ 27 നു മുടങ്ങിയതാണ് പ്രിന്റിങ്. നിലവില്‍ മോട്ടര്‍ വാഹന വകുപ്പ് ഓഫിസില്‍ ഫെസിലിറ്റി മാനേജ്‌മെന്റ് സേവനങ്ങള്‍ ചെയ്യുന്ന സിഡിറ്റിനു നല്‍കാനുള്ള 6.58 കോടി കുടിശിക ഈ മാസം വേണമെന്ന് അവരും ആവശ്യപ്പെട്ടിട്ടുണ്ട്. സിഡിറ്റ് സേവനം നിര്‍ത്തിയാല്‍ മോട്ടര്‍ വാഹന വകുപ്പ് ഓഫിസുകളുടെ പ്രവര്‍ത്തനം തടസ്സപ്പെടുമെന്ന ആശങ്കയിലാണ് ഉദ്യോഗസ്ഥര്‍.

Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം