തിരുവനന്തപുരം: പൂക്കോട് വെറ്ററിനറി കോളേജ് വിദ്യാര്‍ത്ഥി സിദ്ധാര്‍ത്ഥന്റെ മരണം ഞെട്ടിക്കുന്നതെന്ന് വെളിപ്പെടുത്തി കെ മുരളീധരന്‍ എംപി. സിദ്ധാര്‍ത്ഥന്റെ മരണം കൊലപാതകം തന്നെയാണെന്നും ഹൈക്കോടതിയുടെ മേല്‍നോട്ടത്തില്‍ അന്വേഷണം വേണമെന്നും മൃഗങ്ങളെ പോലും ഞെട്ടിപ്പിക്കുന്ന കാര്യമാണ് കോളേജ് യൂണിയന്‍ ചെയര്‍മാന്റെയും സഹപ്രവര്‍ത്തകരുടെയും ഭാഗത്തുനിന്നും ഉണ്ടായതെന്നും ടി പി കേസ് ചര്‍ച്ചയാവുന്ന സമയത്താണ് ഒരു വിദ്യാര്‍ത്ഥി ക്രൂരമായി കൊല ചെയ്യപ്പെടുന്നതെന്നും കെ മുരളീധരന്‍ വ്യക്തമാക്കി.

Also Read ;സിദ്ധാര്‍ത്ഥന്റെ മരണത്തില്‍ നാല് പ്രതികള്‍ക്ക് ലുക്ക്ഔട്ട് നോട്ടീസ് അയച്ച് പോലീസ്

കോണ്‍ഗ്രസും എംഎസ്എഫുമെല്ലാം സമരവുമായി മുന്നോട്ടുപോവുകയാണ്. സംഭവത്തില്‍ സര്‍ക്കാരിനും സിപിഐഎമ്മിനും ഉത്തരവാദിത്വമുണ്ട്. ഇപ്പോള്‍ ചില കോളേജുകളില്‍ ചില വിദ്യാര്‍ത്ഥി സംഘടനകളുടെ ഏകാധിപത്യമുണ്ട്. ഇതാണ് കുഴപ്പങ്ങളിലേക്ക് നയിക്കുന്നതെന്നും അല്ലാതെ കലാലയ രാഷ്ട്രീയത്തിന്റെ കുഴപ്പമല്ലെന്നും അദ്ദേഹം പറഞ്ഞു.

രണ്ടാം വര്‍ഷ വെറ്ററിനറി സയന്‍സ് ബിരുദ വിദ്യാര്‍ത്ഥിയും തിരുവനന്തപുരം നെടുമങ്ങാട് സ്വദേശിയുമായ സിദ്ധാര്‍ത്ഥനെ ഫെബ്രുവരി 18-ന് ഉച്ചയ്ക്ക് ഒന്നരയോടെയാണ് ഹോസ്റ്റലിലെ ശുചിമുറിയില്‍ തൂങ്ങിമരിച്ച നിലയില്‍ കണ്ടെത്തിയത്. 31-ല്‍ 19പേരാണ് സിദ്ധാര്‍ഥിനോട് മൃഗീയമായി പെരുമാറിയത്. ബെല്‍റ്റ് കൊണ്ട് ഒട്ടേറെ തവണ അതിക്രൂരമായി മര്‍ദ്ദിക്കുകയും ചവിട്ടി നിലത്തിടുകയും ചെയ്തു. ഡോര്‍മെറ്ററിയിലെ കട്ടിലില്‍ ഇരുന്നപ്പോള്‍ അവിടെ വെച്ചും മര്‍ദ്ദിച്ചു.സിദ്ധാര്‍ത്ഥന്റെ രണ്ട് സുഹൃത്തുക്കളെ വിളിച്ചുവരുത്തി അവരെ ഭീഷണിപ്പെടുത്തി അടിപ്പിച്ചു. മുറിയിലെ വെള്ളം തുടപ്പിച്ചു. പുറത്ത് പറയരുതെന്ന് കുട്ടികളെ അക്രമി സംഘം ഭീഷണിപ്പെടുത്തിയെന്നുമാണ് റിപ്പോര്‍ട്ട്.

Join with metro post :വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം