Malayalam 
റായ്ബറേലിയിലും അമേഠിയിലും സ്ഥാനാര്‍ത്ഥിയില്ലാതെ കോണ്‍ഗ്രസിന്റെ പത്താം സ്ഥാനാര്‍ത്ഥിപ്പട്ടിക
ന്യൂഡല്‍ഹി: ലോക്സഭാ തിരഞ്ഞെടുപ്പിനുള്ള കോണ്‍ഗ്രസിന്റെ പത്താംഘട്ട സ്ഥാനാര്‍ത്ഥി പട്ടിക പുറത്തിറക്കിയപ്പോളും അമേഠിയിലും റായ് ബറേലിയിലും സ്ഥാനാര്‍ത്ഥികളില്ല. പട്ടികയില്‍ 17 സ്ഥാനാര്‍ത്ഥികളാണ് ഇടംപിടിച്ചിരിക്കുന്നത്. ഒഡീഷയില്‍ നിന്നുള്ള എട്ട് സ്ഥാനാര്‍ത്ഥികളും ആന്ധ്രാപ്രദേശില്‍ നിന്നുള്ള അഞ്ച് പേരും ബിഹാറില്‍ നിന്നുള്ള മൂന്ന് പേരും പശ്ചിമ ബംഗാളില്‍ നിന്നുള്ള ഒരാളുമാണ് ഏറ്റവും പുതിയ പട്ടികയിലുള്ളത്.
Also Read; ബിജെപി നേതാവിന്റെ ആരോപണം തള്ളി അടൂര്‍ പ്രകാശ്
ആന്ധ്രാപ്രദേശിലെ കടപ്പയില്‍ നിന്നും പിസിസി അദ്ധ്യക്ഷ വൈ എസ് ശര്‍മ്മിള റെഡ്ഡി ജനവിധി തേടും. ബിഹാറിലെ മഹാഖഡ്ബന്ധന്റെ ഭാഗമായി മത്സരിക്കുന്ന കോണ്ഗ്രസ് മൂന്ന് സീറ്റുകളിലാണ് സ്ഥാനാര്‍ത്ഥികളെ പ്രഖ്യാപിച്ചിരിക്കുന്നത്. കിഷന്‍ഗഞ്ച് ലോക്സഭാ മണ്ഡലത്തില്‍ നിന്ന് കോണ്ഗ്രസ് എംപി മുഹമ്മദ് ജാവേദും കതിഹാറില്‍ നിന്ന് മുതിര്‍ന്ന നേതാവ് താരിഖ് അന്‍വറും ഭഗല്‍പൂര്‍ മണ്ഡലത്തില്‍ നിന്് കോണ്ഗ്രസ് എംഎല്‍എ അജീത് ശര്‍മയും മത്സരിക്കും. ആന്ധ്രാപ്രദേശിലെ കാക്കിനാഡയില്‍ മുന്‍ വിദ്യാഭ്യാസ മന്ത്രി എം എം പള്ളം രാജുവിനെയാണ് കോണ്ഗ്രസ് നിയോഗിച്ചിരിക്കുന്നത്. ഒഡീഷയിലെ ബര്‍ഗഡില്‍ നിന്ന് മുന്‍ ലോക്‌സഭാംഗം സഞ്ജയ് ഭോയി മത്സരിക്കും. പശ്ചിമ ബംഗാളില്‍ നിന്ന് ഡാര്‍ജിലിംഗില്‍ഡോ മുനിഷ് തമാങ്ങ് മത്സരിക്കും.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
