Malayalam 
വടകരയില് പോളിങ് വൈകിയതില് അട്ടിമറിയെന്ന് യുഡിഎഫ്: തെരഞ്ഞെടുപ്പ് കമ്മീഷന് പരാതി നല്കും
കോഴിക്കോട്: ലോക്സഭാ തെരഞ്ഞെടുപ്പുമായി ബന്ധപ്പെട്ട് വടകരയില് പോളിങ് വൈകിയതില് തെരഞ്ഞെടുപ്പ് കമ്മീഷന് പരാതി നല്കാനൊരുങ്ങി യുഡിഎഫ്. വടകരയില് രാത്രി വൈകിയും പോളിങ് നടന്നിരുന്നു.യുഡിഎഫ് അനുകൂല ബൂത്തുകളില് ഉദ്യോഗസ്ഥരെ ഉപയോഗിച്ച് സിപിഎം ബോധപൂര്വം അട്ടിമറി നടത്താന് ശ്രമിച്ചു എന്നാണ് യുഡിഫ് ആക്ഷേപം. വടകരയില് പോളിങ് നീണ്ടുപോയതും പോളിങ് കുറഞ്ഞതും സിപിഎമ്മിന്റെ അട്ടിമറിയാണെന്നാണ് യുഡിഎഫിന്റെ ആരോപണം. അതേസമയം വടകരയില് മാത്രമല്ല പലയിടങ്ങളിലും പോളിങ് വൈകിയെന്നും യുഡിഎഫിന് പരാജയഭീതിയാണെന്നുമായിരുന്നു വടകരയിലെ എല്ഡിഎഫ് സ്ഥാനാര്ത്ഥി കെ കെ ശൈലജയുടെ പ്രതികരണം.
Also Read ; ഐസിയു പീഡനക്കേസ്: അതിജീവിത നാളെ സമരം പുനരാരംഭിക്കുന്നു
എന്നാല് അതേസമയം വൈകീട്ട് കൂടുതല് വോട്ടര്മാര് കൂട്ടത്തോടെ എത്തിയതുകൊണ്ടാണ് പോളിങ് നീളാന് കാരണം എന്നായിരുന്നു തെരഞ്ഞെടുപ്പ് കമ്മീഷന്റെ വിശദീകരണം. പരാതി കിട്ടിയാല് പരിശോധിക്കാമെന്നും മുഖ്യ തെരഞ്ഞെടുപ്പ് ഉദ്യോഗസ്ഥന് സഞ്ജയ് കൗള് അറിയിച്ചിരുന്നു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
ഇക്കഴിഞ്ഞ ലോക്സഭാ തെരഞ്ഞെടുപ്പില് ഏറ്റവും കൂടുതല് ജനശ്രദ്ധ ആകര്ഷിച്ച മണ്ഡലമാണ് വടകര. ആദ്യം യുഡിഎഫിന്റെ സ്ഥാനാര്ത്ഥി മാറ്റത്തിലൂടെ തന്നെ വടകര ശ്രദ്ധേയമായിരുന്നു. കെ മുരളീധരന് പകരം ഷാഫി പറമ്പില് യുഡിഎഫിനായി കളത്തിലിറങ്ങിയതോടെ മത്സരം ഒന്നു കൂടി മുറുകി.
ഇതിന് ശേഷം പാനൂര് സ്ഫോടനം, കെ കെ ശൈലജയ്ക്കെതിരായ വീഡിയോ വിവാദം, ഷാഫിക്കെതിരായ സൈബര് ആക്രമണം എന്നിങ്ങനെ പല വിഷയങ്ങളും വോട്ടെടുപ്പ് ദിനം വരെ വടകരയെ സജീവമാക്കി നിര്ത്തിയിരുന്നു.
