മാധ്യമങ്ങള്ക്ക് മുന്നില് കൈകൂപ്പി മടക്കം ; സിപിഐഎം യോഗത്തിന് ശേഷം പ്രതികരിക്കാതെ ഇ പി
![](https://metropostkerala.com/wp-content/uploads/2024/04/2-12-991x564.jpg)
തിരുവനന്തപുരം: തെരഞ്ഞെടുപ്പിന് ശേഷമുള്ള സിപിഐഎം സംസ്ഥാന സെക്രട്ടേറിയറ്റ് യോഗം ഇന്ന് രാവിലെ 10 മണിയോടെയാണ് ആരംഭിച്ചത്. യോഗത്തിന് ശേഷം എല്ഡിഎഫ് കണ്വീനര് ഇ പി ജയരാജന് മാധ്യമങ്ങളോട് പ്രതികരിച്ചില്ല. ഇ പിയും പ്രകാശ് ജാവ്ദേക്കറുമായുള്ള കൂടിക്കാഴ്ച യോഗത്തില് ചര്ച്ചയായോ എന്ന ചോദ്യത്തിന് പ്രതികരിക്കാതെ കാറില് കയറി മാധ്യങ്ങള്ക്ക് മുമ്പില് കൈകൂപ്പിയാണ് മടങ്ങിത്.
Also Read ; KSRTC ഡ്രൈവറെ ഡ്യൂട്ടിയില് നിന്ന് മാറ്റി; ലൈംഗീകച്ചുവയോടെ സംസാരിച്ചെന്ന് മേയര് ആര്യ രാജേന്ദ്രന്
യോഗത്തിന്റെ പ്രധാന അജണ്ട തെരഞ്ഞെടുപ്പ് അവലോകനമായിരുന്നു. കൂടാതെ സിപിഐഎമ്മിനെ ഏറെ പ്രതിരോധത്തില് ആക്കിയ തെരഞ്ഞെടുപ്പ് ദിനത്തിലെ ഇ പി ജയരാജന്റെ തുറന്നുപറച്ചില് സംസ്ഥാന സെക്രട്ടറിയേറ്റ് യോഗം ചര്ച്ച ചെയ്യുമെന്നായിരുന്നു വിവരം. ഇന്ന് രാവിലെയാണ് കണ്ണൂരില് നിന്ന് ഇ പി തിരുവനന്തപുരത്ത് എത്തിയത്. തുടര്ന്ന് തിരുവനന്തപുരം വിമാനത്താവളത്തില് വെച്ച് ഇ പി ജയരാജന് മാധ്യമങ്ങളെ കണ്ടിരുന്നു. ബിജെപി നേതാവ് ശോഭാസുരേന്ദ്രന് പറയുന്നതുപോലെ ഒരിക്കലും കൂടിക്കാഴ്ച ഉണ്ടായില്ലെന്ന് ഇ പി ജയരാജന് പറഞ്ഞു. തനിക്കെതിരായ ആരോപണങ്ങള് ആസൂത്രി പദ്ധതിയുടെ ഭാഗമാണ്. മാധ്യമങ്ങള് നിഷ്പക്ഷമായി ഇക്കാര്യം അന്വേഷിക്കണമെന്നും ഇ പി ജയരാജന് ആവര്ത്തിച്ചു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
‘ശോഭാസുരേന്ദ്രനെ ഇതുവരെ നേരിട്ട് കണ്ട് സംസാരിച്ചിട്ടില്ല. ഉമ്മന്ചാണ്ടി മരണപ്പെട്ട സമയത്താണ് അടുത്തുകണ്ടത്. എന്നെപോലൊരാള് എന്തിനാണ് ശോഭാ സുരേന്ദ്രനോട് സംസാരിക്കുന്നത്. ശോഭാ സുരേന്ദ്രനെ എനിക്ക് പണ്ടേ ഇഷ്ടമല്ല. അവരുടെ പ്രസംഗം വളരെ മോശമാണ്. അവരെ കാണുകയോ സംസാരിക്കുയോ ചെയ്തിട്ടില്ല. ഫോണില് പോലും സംസാരിച്ചിട്ടില്ല. ആസുത്രിത പദ്ധതിയുടെ ഭാഗമായിട്ടാണ് നിലവിലെ ആരോപണങ്ങള്. മാധ്യമങ്ങള് നിഷ്പക്ഷമായി അന്വേഷിക്കണം.’ എന്നായിരുന്നു മറുപടി.