Malayalam 
മാവോയിസ്റ്റുകള്ക്കായുള്ള തിരച്ചിലിനിടെ തണ്ടര്ബോള്ട്ട് സംഘാംഗത്തിന് പാമ്പു കടിയേറ്റു
കണ്ണൂര്: മാവോയിസ്റ്റുകള്ക്കായുള്ള തിരച്ചിലിനിടെ തണ്ടര്ബോള്ട്ട് സംഘാംഗത്തിന് പാമ്പു കടിയേറ്റു. കണ്ണൂരിലെ വനമേഖലയിലെ തിരച്ചിലിനിടെയാണ് പാമ്പു കടിയേറ്റത്.തൃശൂര് സ്വദേശി ഷാന്ജിതിനാണ് കടിയേറ്റത്. കണ്ണൂര് കൊട്ടിയൂര് പന്നിയാംമലയില് വെച്ചാണ് സംഭവം. സാധാരണയായി നടത്തുന്ന പരിശോധനക്കായാണ് സ്പെഷ്യല് ഓപ്പറേഷന് ഗ്രൂപ്പായ തണ്ടര്ബോള്ട്ട് സംഘം മാവോയിസ്റ്റ് സാന്നിധ്യമുള്ള വനമേഖലയിലെത്തിയത്.
Also Read ; തിരുവനന്തപുരത്ത് വന് കഞ്ചാവ് വേട്ട ; കെഎസ്ആര്ടിസി സ്വിഫ്റ്റില് കടത്തിയത് 7 കിലോ കഞ്ചാവ്
ഉള്വനത്തിലൂടെ നടക്കുന്നതിനിടെയാണ് മരച്ചില്ലയില് തൂങ്ങികിടക്കുകയായിരുന്ന പാമ്പിന്റെ കടിയേറ്റത്. ഷാന്ജിതിന്റെ കൈയ്ക്കാണ് പാമ്പ് കടിച്ചത്. ഉടന് തന്നെ ഷാന്ജിതിനെ മറ്റുള്ളവര് ചേര്ന്ന് പുറത്തെത്തിച്ച് പ്രാഥമിക ചികിത്സ നല്കി.ശേഷം മാനന്തവാടി മെഡിക്കല് കോളേജ് ആശുപത്രിയിലേക്ക് ആംബുലന്സില് കൊണ്ടുപോവുകയായിരുന്നു.
നാഷണല് സെക്യൂരിറ്റി ഗാര്ഡ് മാതൃകയില് കേരളത്തില് പോലീസ് രൂപീകരിച്ച കമാന്ഡോ സംഘമാണ് കേരള തണ്ടര്ബോള്ട്ട്. തീവ്രവാദ വിരുദ്ധ പ്രവര്ത്തനങ്ങള്, നക്സല് വിരുദ്ധ പ്രവര്ത്തനങ്ങള്, ബന്ദികളെ വീണ്ടെടുക്കല്, വിഐപി സുരക്ഷ തുടങ്ങിയ ചുമതലകളാണ് തണ്ടര്ബോള്ട്ടിനുള്ളത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
