Malayalam 
ഗവര്ണര് ഭരണത്തിന് തടയിട്ട് സുപ്രീംകോടതി; ബില്ലുകളില് 3 മാസത്തിനുള്ളില് തീരുമാനമെടുക്കണമെന്ന് നിര്ദേശം
ഡല്ഹി: നിയമസഭ പാസാക്കിയ ബില്ലുകള് പിടിച്ചുവക്കുന്ന ഗവര്ണര്മാരുടെ നടപടിക്ക് തടയിട്ട് സുപ്രീംകോടതി. ഗവര്ണര്മാര് ബില്ലുകളില് പരമാവധി മൂന്ന് മാസത്തിനുള്ളില് തീരുമാനം എടുക്കണമെന്നാണ് സുപ്രീംകോടതി നിര്ദേശം. ഗവര്ണര്ക്കെതിരായ തമിഴ്നാട് സര്ക്കാരിന്റെ ഹര്ജിയിലാണ് നിര്ണായക ഉത്തരവ്. ബില്ലുകള് വീണ്ടും പാസാക്കി നിയമസഭ തിരിച്ച് അയച്ചാല് പരമാവധി ഒരു മാസത്തിനുള്ളില് തീരുമാനമെടുക്കണം. ബില്ല് തടഞ്ഞു വയ്ക്കുകയോ രാഷ്ട്രപതിക്ക് അയക്കാനായോ തീരുമാനിക്കുകയാണെങ്കില് ഒരു മാസത്തിനകം ഗവര്ണര് നടപടി സ്വീകരിക്കണം. അനുഛേദം 200 അനുസരിച്ച് ഗവര്ണറുടെ വിവേചനാധികാരം എന്നില്ല. സംസ്ഥാന സര്ക്കാരിന്റെ ഉപദേശത്തിന് അനുസരിച്ചാകണം ഗവര്ണര് പ്രവര്ത്തിക്കേണ്ടത്.
Also Read; കൊച്ചിയിലെ തൊഴില് പീഡനം; കമ്പനിയിലെ മുന് ജീവനക്കാരനെതിരെ കൂടുതല് പരാതികള്
അനുഛേദം 200 പ്രകാരം നടപടികളില് ഒന്ന് സ്വീകരിച്ചേ മതിയാകൂ എന്ന് സുപ്രീം കോടതി ഉത്തരവില് പറയുന്നു. നിയമങ്ങള് ജനങ്ങളുടെ ആവശ്യത്തിനായി കൊണ്ടുവരുന്നതാണ്. ബില്ലുകള് പിടിച്ചുവച്ച തമിഴ്നാട് ഗവര്ണറുടെ നടപടി നിയമവിരുദ്ധമാണ്. പത്ത് ബില്ലുകള് രാഷ്ട്രപതിക്ക് വിട്ട നടപടി റദ്ദാക്കേണ്ടേതെന്നും കോടതി പറഞ്ഞു. നിയമസഭ ബില്ലുകള് വീണ്ടും പാസാക്കി അയച്ചാല് രാഷ്ട്രപതിക്ക് വിടാന് അവകാശമില്ല. ആദ്യ ബില്ലില് നിന്ന് വ്യത്യസ്തമെങ്കിലേ ഇതിന് അധികാരമുള്ളു. ഗവര്ണ്ണര്ക്ക് സമ്പൂര്ണ്ണ വീറ്റോ അധികാരമില്ല. ഭരണഘടനയില് വീറ്റോ അധികാരം നല്കിയിട്ടില്ലെന്നും കോടതി പറഞ്ഞു. ജനങ്ങളുടെ ക്ഷേമത്തിനായിട്ടാണ് സര്ക്കാരുകള് നിയമം കൊണ്ടുവരുന്നത്. അതില് തടയിടുന്ന നിലപാട് സംസ്ഥാന സര്ക്കാരിനെ തടയുകയല്ല ഗവര്ണറുടെ ചുമതലയെന്നും സുപ്രീംകോടതി നിര്ദേശത്തിലുണ്ട്.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
