Malayalam 
രാഹുല് മാങ്കൂട്ടത്തിലിനെതിരെ പരാതി; യൂത്ത് കോണ്ഗ്രസ് അധ്യക്ഷ സ്ഥാനത്ത് നിന്ന് നീക്കിയേക്കും
തിരുവനന്തപുരം: പാലക്കാട് എംഎല്എയും യൂത്ത് കോണ്ഗ്രസ് സംസ്ഥാന അധ്യക്ഷനുമായ രാഹുല് മാങ്കൂട്ടത്തിലിനെതിരെ ആരോപണവുമായി എഴുത്തുകാരി ഹണി ഭാസ്കരന്. രാഹുല് ഇന്സ്റ്റഗ്രാമിലൂടെ ചാറ്റ് ചെയ്ത ശേഷം ഇതേക്കുറിച്ച് മറ്റുള്ള ആളുകളോട് മോശമായി പറഞ്ഞുവെന്നാണ് ഹണി ഭാസ്കരന്റെ ആരോപണം. രാഹുലിനെ സംരക്ഷിക്കുന്നത് ഷാഫി പറമ്പില് എംപിയാണെന്നാണ് യുവതിയുടെ ആരോപണം. രാഹുലിനെതിരെ പരാതി നല്കിയിട്ടും യാതൊരുവിധ നടപടികളും സ്വീകരിച്ചിട്ടില്ലെന്നും പറയുന്നു.
Also Read: കേരള ക്രിക്കറ്റ് ലീഗിന് ഇന്ന് തുടക്കം; മുഖ്യാതിഥി മോഹന്ലാല്
വെളിപ്പെടുത്തലുകളുടെ അടിസ്ഥാനത്തില് രാഹുല് മാങ്കൂട്ടത്തിലിനെ യൂത്ത് കോണ്ഗ്രസ് സംസ്ഥാന അധ്യക്ഷ സ്ഥാനത്ത് നിന്ന് നീക്കാന് ആണ് സാധ്യത. പ്രതിപക്ഷ നേതാവ് വി.ഡി. സതീശനും കെപിസിസി അധ്യക്ഷന് സണ്ണി ജോസഫും ഇതു സംബന്ധിച്ച അനൗദ്യോഗിക ചര്ച്ച നടത്തി. മുതിര്ന്ന നേതാക്കളുമായി കൂടുതല് ചര്ച്ച നടത്തിയ ശേഷമാകും ഔദ്യോഗിക തീരുമാനം എടുക്കുക.
സംസ്ഥാനത്തിന്റെ ചുമതലയുള്ള എഐസിസി ജനറല് സെക്രട്ടറി ദീപാദാസ് മുന്ഷിക്ക് പാര്ട്ടിയിലെ വനിതാ നേതാക്കള് രാഹുലിനെതിരെ പരാതി നല്കിയെന്നാണ് വിവരം. ഇക്കാര്യത്തെ കുറിച്ച് അഇന്വേഷിക്കാന് കോണ്ഗ്രസ് നേതൃത്വത്തോട് ദീപാദാസ് മുന്ഷി ആവശ്യപ്പെട്ടു. ഇതിനുപിന്നാലെയാണ് രാഹുലിനെതിരെ സംഘടന നടപടി ആലോചിക്കുന്നത്.
