Malayalam 
ശ്രീനാരായണ ഗുരു ഓപ്പണ്‍ യൂണിവേഴ്‌സിറ്റിയില്‍ യുജി, പിജി പ്രോഗ്രാമുകള്‍ക്ക് സെപ്തംബര്‍ 10 വരെ അപേക്ഷിക്കാം; തൃശൂരില്‍ 2 കോളേജുകള്‍ യൂണിവേഴ്‌സിറ്റിയുടെ പഠന കേന്ദ്രമാകും
തൃശൂര്‍: ശ്രീനാരായണ ഗുരു ഓപ്പണ്‍ യൂണിവേഴ്‌സിറ്റിയില്‍ യു.ജി, പിജി,
അഡ്മിഷന് അപേക്ഷ ക്ഷണിച്ചു. സെപ്തംബര്‍ 10 വരെ ഓണ്‍ലൈനായി അപേക്ഷിക്കാം. www.sgou.ac.in എന്ന വെബ്‌സൈറ്റിലൂടെ ഫീസ് അടച്ച് അഡ്മിഷനായി രജിസ്റ്റര്‍ ചെയ്യാം. 28 യുജി, പിജി പ്രോഗ്രാമുകള്‍ക്കും 3 സര്‍ട്ടിഫിക്കറ്റ് പ്രോഗ്രാമുകള്‍ക്കുമാണ് അപേക്ഷ ക്ഷണിച്ചിരിക്കുന്നത്. യൂണിവേഴ്‌സിറ്റിയില്‍ എം.ബി.എ, എം.സി.എ പ്രോഗ്രാമുകള്‍ കൂടി ഈ വര്‍ഷം ആരംഭിക്കും. ഇതിന് യുജിസി അംഗീകാരം ലഭിച്ചിട്ടുണ്ട്.
Join with metro post: വാര്‍ത്തകള്‍ വേഗത്തിലറിയാന്‍ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ…
തൃശൂരില്‍ ശ്രീ അച്യുതമേനോന്‍ ഗവ.കോളേജ്, കൂടാതെ ഈ വര്‍ഷം മുതല്‍ പാറമേക്കാവ് കോളേജ് ഓഫ് ആര്‍ട്‌സ് & സയന്‍സ്, പൂങ്കുന്നം കൂടി ഓപ്പണ്‍ യൂണിവേഴ്‌സിറ്റിയുടെ പഠന കേന്ദ്രമായി പ്രവര്‍ത്തിക്കും. പ്രായപരിധിയോ മാര്‍ക്ക് മാനദണ്ഡങ്ങളോ ഇല്ലാതെയാണ് അഡ്മിഷന്.
യൂണിവേഴ്സിറ്റി പബ്ലിക് ഡിജിറ്റല്‍ ലൈബ്രറി ആരംഭിക്കാനും ഉദ്ദേശിക്കുന്നു. യൂണിവേഴ്സിറ്റി ലൈബ്രറിബുക്കുകള്‍ റഫര്‍ ചെയ്യാനാകും. പത്രസമ്മേളനത്തില്‍ വൈസ് ചാന്‍സലര്‍ പ്രൊഫ.ഡോ.ജഗതി രാജ് വി.പി, ഹരിദാസ് പി, ഡോ.റെനി സെബാസ്റ്റിയന്‍, ഡോ.ജോജോമോന്‍ എന്‍.എ എന്നിവര്‍ പങ്കെടുത്തു. കൂടുതല്‍ വിവരങ്ങള്‍ക്ക് 0474-2966841, 9188909901, 9188909902
