സര്ക്കാര് പെന്ഷന് നിഷേധിച്ച ഭിന്നശേഷിക്കാരന് സഹായവുമായി സുരേഷ് ഗോപി
![](https://metropostkerala.com/wp-content/uploads/2023/10/suresh-gobi-991x564.jpg)
സര്ക്കാര് ക്ഷേമപെന്ഷന് നിഷേധിച്ച ഭിന്നശേഷിക്കാരന് സഹായവുമായി ബി.ജെ.പി.നേതാവും നടനുമായ സുരേഷ് ഗോപി. ഒരു ലക്ഷം രൂപയാണ് അദ്ദേഹം കുടുംബത്തിന് നല്കിയത്.
‘ആ അമ്മയ്ക്ക് സര്ക്കാര് ഈ തുക തിരികെ കൊടുക്കുമെങ്കില് കൊടുത്തോട്ടെ. പക്ഷേ, സര്ക്കാരിലേക്ക് തിരിച്ചടയ്ക്കാനുള്ള ഒരു കൈത്താങ്ങാണ് ഞാന് നല്കിയത്. ആ അമ്മയുടെ അവസ്ഥ ഞാന് കണ്ടതാണ്. രാവിലെ പതിനൊന്ന് മണിയോടെയാണ് ഞാനിത് അറിഞ്ഞത്. അപ്പൊള്തന്നെ വീട്ടില് വിളിച്ച് പണം അയക്കാന് രാധികയോട് പറഞ്ഞു. ഇനിയൊരു പത്ത് വര്ഷത്തേക്ക് കൂടി പെന്ഷന്റെ രൂപത്തില് ഒരുലക്ഷം രൂപ ആ അമ്മയ്ക്ക് ലഭിക്കണമെങ്കില് അതും ഞാന് നല്കാന് തയ്യാറാണ്’, സുരേഷ് ഗോപി പറഞ്ഞു. പറ്റിയാല് മണിദാസിനെ സന്ദര്ശിക്കുമെന്നും അദ്ദേഹം കൂട്ടിച്ചേര്ത്തു.
Also Read; സൈജു കുറുപ്പിന്റെ ‘പൊറാട്ട് നാടക’ത്തിന് കോടതി വിലക്ക്
കഴിഞ്ഞവര്ഷമാണ് മണിദാസിന് ക്ഷേമപെന്ഷന് നല്കുന്നത് സര്ക്കാര് നിര്ത്തിയത് വാര്ഷിക വരുമാനം ഒരുലക്ഷം രൂപയിലധികമുണ്ടെന്ന് പറഞ്ഞായിരുന്നു. മരുന്ന് വാങ്ങാനുള്പ്പെടെ ഈ പെന്ഷന് തുകയായിരുന്നു ഉപയോഗിച്ചിരുന്നത്. പെന്ഷന് നിഷേധിച്ചതിന് പിന്നാലെയാണ് കഴിഞ്ഞ പതിമൂന്ന് വര്ഷമായി വാങ്ങിയ പെന്ഷന് തുക മുഴുവനും തിരികെ അടയ്ക്കണമെന്ന് കഴിഞ്ഞ ദിവസം ധനവകുപ്പ് ഉത്തരവിറക്കിയത്. സര്ക്കാര് സ്കൂളിലെ തയ്യല് അധ്യാപികയായിരുന്ന അമ്മയ്ക്ക് ലഭിക്കുന്ന പെന്ഷന് മാത്രമാണ് മണിദാസിന്റെ കുടുംബത്തിന്റെ ആശ്രയം.