Malayalam 
ഡല്‍ഹിയിലെ മലിനീകരണ നിയന്ത്രണ നടപടികള്‍ പരിശോധിക്കാന്‍ ഗ്രൗണ്ട് ലെവല്‍ പ്രവര്‍ത്തനവുമായി മന്ത്രിമാര്‍
ന്യൂഡല്‍ഹി: ഡല്‍ഹിയിലെ വായു മലിനീകരണ നിയന്ത്രണ നടപടികള്‍ കര്‍ശനമായി നടപ്പാക്കുന്നത് ഉറപ്പാക്കാന്‍ എല്ലാ മന്ത്രിമാരും ഗ്രൗണ്ട് ലെവലില്‍ പ്രവര്‍ത്തിക്കുമെന്ന് പരിസ്ഥിതി മന്ത്രി ഗോപാല്‍ റായ്. ഗ്രേഡഡ് റെസ്പോണ്‍സ് ആക്ഷന്‍ പ്ലാന്‍ (GRAP) എന്ന് വിളിക്കുന്ന കേന്ദ്രത്തിന്റെ വായു മലിനീകരണ നിയന്ത്രണ പദ്ധതിയില്‍ പറഞ്ഞിരിക്കുന്ന നടപടികള്‍ നടപ്പിലാക്കുന്നതില്‍ ഉദ്യോഗസ്ഥരുടെ ഭാഗത്തുനിന്ന് അനാസ്ഥയിയുണ്ടായതായും അദ്ദേഹം പറഞ്ഞു.
ഡല്‍ഹിയുടെ വടക്ക്, വടക്കുകിഴക്കന്‍ ജില്ലകളിലെ പ്രവര്‍ത്തനങ്ങള്‍ മന്ത്രി ഗോപാല്‍ റായ് നിരീക്ഷിക്കും, കൈലാഷ് ഗെലോട്ട് തെക്ക് പടിഞ്ഞാറ്, പടിഞ്ഞാറന്‍ ജില്ലകളില്‍ പരിശോധന നടത്തും. അതിഷി കിഴക്ക്, തെക്കുകിഴക്കന്‍ ജില്ലകള്‍ക്കും സൗരഭ് ഭരദ്വാജ് തെക്ക്, ന്യൂഡല്‍ഹി ജില്ലകള്‍ക്കും ഇമ്രാന്‍ ഹുസൈന് സെന്‍ട്രല്‍, ഷഹ്ദാര ജില്ലകള്‍ക്കും രാജ് കുമാര്‍ ആനന്ദ് വടക്കുപടിഞ്ഞാറന്‍ ജില്ലകള്‍ക്കും ചുമതല നല്‍കും.
Also Read; പത്തനംതിട്ടയിലെ ബേക്കറിയില്‍ നിന്ന് ബര്‍ഗര്‍ കഴിച്ചവര്‍ക്ക് ഭക്ഷ്യവിഷബാധ
GRAP യുടെ അവസാന ഘട്ടത്തില്‍ നിര്‍ബന്ധമാക്കിയ കര്‍ശന നിയന്ത്രണങ്ങള്‍ രാജ്യതലസ്ഥാനത്ത് നടപ്പാക്കിയിട്ടുണ്ട്. നഗരത്തിലെ വായുവിന്റെ ഗുണനിലവാരം ‘വളരെ ഗുരുതര’ (എക്യുഐ 450-ന് മുകളില്‍) നിലവാരത്തിലേക്ക് താഴ്ന്നതിനെത്തുടര്‍ന്ന്, എല്ലാത്തരം നിര്‍മ്മാണ പ്രവര്‍ത്തനങ്ങളും നിര്‍ത്തിവെച്ചിരുന്നു GRAP പ്രവര്‍ത്തനങ്ങളെ നാല് ഘട്ടങ്ങളായി തരംതിരിക്കുന്നു: ഘട്ടം I – മോശം (AQI 201-300); ഘട്ടം II – വളരെ മോശം (AQI 301-400); ഘട്ടം III – ഗുരുതരമായ (AQI 401-450); കൂടാതെ സ്റ്റേജ് IV – സിവിയര്‍ പ്ലസ് (എക്യുഐ 450 ന് മുകളില്‍).
