Malayalam 
ഡല്ഹിയില് കനത്ത മഴ; നഗരത്തിന്റെ പല ഭാഗങ്ങളിലും വെള്ളക്കെട്ടുകള്, വാഹനഗതാഗതം സ്തംഭിച്ചു
ഡല്ഹി: ഡല്ഹിയില് കനത്ത മഴയില് ജനജീവിതം സ്തംഭിച്ചു. നഗരത്തിന്റെ പല ഭാഗങ്ങളിലും വെള്ളക്കെട്ടുകളുണ്ടായി. കാറുകള് മുങ്ങുകയും വലിയ രീതിയിലുള്ള ഗതാഗതക്കുരുക്ക് അനുഭവപ്പെടുകയു ചെയ്തു.
കനത്ത മഴയില് ഡല്ഹി വിമാനത്താവളത്തിലെ ഒന്നാം ടെര്മിനലിന്റെ മേല്ക്കൂര തകര്ന്നുവീണു. ആറ് പേര്ക്ക് പരിക്കുള്ളതായാണ് വിവരം. ഇതേത്തുടര്ന്ന് ഒന്നാം ടെര്മിനലില് നിന്നുള്ള എല്ലാ പ്രവര്ത്തനങ്ങളും നിര്ത്തിവെച്ചതായി വിമാനത്താവള അധികൃതര് അറിയിച്ചു.
കേരളത്തിലും ഇന്ന് കനത്ത മഴയ്ക്ക് സാധ്യതയുള്ളതായി അറിയിപ്പുണ്ട്. ഒമ്പത് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. കനത്ത കാറ്റിനും ഉയര്ന്ന തിരമാലയ്ക്കും സാധ്യതയുള്ളതിനാല് തീരദേശവാസികളും മലയോര മേഖലയിലുവരും ജാഗ്രത പുലര്ത്തണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു.
പൊതുജനങ്ങള്ക്കുള്ള പ്രത്യേക നിര്ദ്ദേശങ്ങളും ദുരന്ത നിവാരണ അതോറിറ്റി പുറപ്പെടുവിച്ചിട്ടുണ്ട്. വിവിധ തീരങ്ങളില് കടലാക്രമണം ശക്തമാകാന് സാധ്യതയുള്ളതിനാല് അപകടമേഖലകളില് താമസിക്കുന്നവര് ജാഗ്രത പാലിക്കണം. ആവശ്യമായ ഘട്ടത്തില് മാറി താമസിക്കണം.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
